नेवाः राज्यया नितिं नेवाःतय्गु व्यापक तयारी
नेवाः स्वायत्त राज्य मंकाः संघर्ष समिति
नेवाः स्वायत्त राज्य मंकाः संघर्ष समितिइ दुथ्यानाच्वंगु थीथी घटकतपाखें ब्यागलं ब्यागलं कथं प्रचार प्रसार यायेगु ज्या न्ह्याकूगु दु । अथे हे जेठ ३ गते सिठि जुलुस पिकायेगु, ४ गते नेवाः स्वायत्त राज्यया नितिं स्वयं सेवकतय्गु मार्चपास, ५ गते मोटरसाइकल ¥याली पिकाइगु जूगु दु । अथे हे तामाङतय्सं नं जेठ ५ गते हे मार्चपास याइगु जूगु दु ।
उगु हे कथं जेठ ६ गते नेवाः शक्ति प्रदर्शनया झ्वलय् रिङरोडय् थाय् थासय् आदिवासी जनजातिय्सं सभा यानाः प्रदर्शन याइगु जूगु दुसा उखुन्हु हे बल्खुइ मधेसीतय्सं नं सभा याइगु जूगु दु । अथे हे थौं आदिवासी जनजाति नेतात एमालेया नायः झलनाथ खनालया निवासय् डेलिगेसन वनीगु जूगु दु ।
एकीकृत नेवाः राष्ट्रिय मुक्ति मोर्चा, नेपाः
एकीकृत नेवाः राष्ट्रिय मुक्ति मोर्चा नेपाःपाखें प्रमुख दलया नेतातय् ज्ञापन पौ लःल्हायेगु, जेठ ३ गते येँ, यल व ख्वपय् मोर्चाया ब्यागलं ब्यागलं जिल्ला भेला, ३ गते ख्वपय् नेवाः ल्याय्म्ह जिल्ला भेला, ४ गते नेवाः ल्याय्म्हया नेवाः राज्य भेला न्हिनय् ११ बजे कुपण्डोलय्, उखुन्हु हे २ बजे युवा मार्चपास कुपण्डोलं बसन्तपुर जुयाः मूल मार्चपासया रुपय् थाय् थासय् चाःहिलेगु, ५ गते मोर्चाया १५ क्वःगु बुदिं कथं नेवाः राज्यया भेला व गोष्ठी ११ बजे कुपण्डोलय्, उखुन्हु हे २ बजे कुपण्डोलं ¥याली, ६ गते २ बजे बसन्तपुरं जुलुस यानाः खुल्लामञ्चय् वनीगु जूगु दु । अथेहे येँ, किपू, थानकोट, टोखा, सँक्व, इन्द्रचोक, ख्वप, थिमि व यलया मंगलय् थ्यंकाः कोणसभा याइगु जूगु दु ।
थ्व हे दथुइ आदिवासी जनजातितय्सं मंकाः जेठ ७ गतेनिसें ९ गते तक आमहड्ताल सफलयासें व हे दथुइ थःगु बुदिं नं हनीगु जूगु दु ।
