थौं सभामुखयात जनताया ल्हाःचिं लःल्हाइगु
येँ (झीगु स्वनिगः)
जनताया संविधान निर्माण यायेमाःगु, इलय् हे संविधान जारी यायेमाःगु, पहिचानया अधारय् राज्य पुनर्संरचना यायेमाःगु माग यानाः संयुक्त राष्ट्रिय जनआन्दोलन समितिं देय्न्यंकं मुंकूगु जनताया ल्हाःचिं थौं जेठ १ गते संविधानसभाया नायः सुवासचन्द् नेम्वाङयात लःल्हाइगु जूगु दु ।
थौं साढे १ बजे शान्ति वाटिकाय् मुनाः जुलुस सहित वनाः संविधानसभाया नायःयात उगु ल्हाःचिं लःल्हायेगु जुइ धकाः जनआन्दोलन समितिं धाःगु दु । वंगु चैत्र २० गतेनिसें देय्न्यंकं न्ह्याकूगु उगु ल्हाःचिं मुंकेगु अभियान न्ह्याकूगु खःसा थौं उगु हे ल्हाःचिं अथे सभामुखयात लःल्हायेत्यंगु खः ।
थ्व दथुइ उगु संयुक्त राष्ट्रिय जनआन्दोलन समिति नेपालं देय्न्यंकं थीथी लागाय् सभा तकं याःगु दुसा आः याकनं हे उगु समितिया बैठक च्वनाः थप संघर्षया ज्याझ्वः पितबिइ धकाः नं धाःगु दु ।
