४४ दँ लिपा प्रीमियर लीगया उपाधि "सिटी"यात

नाटकीय कासाय् क्यूपिआरयात निगूया विरुद्ध स्वंगू गोलं बुकूसें म्यानचेस्टर सिटीं पीप्यदँ लिपा इंगलिस प्रीमियर लीगया उपाधि त्याकल । सिटीं गोल अन्तरया आधारय् छिमेकी क्लब म्यानचेष्टर युनाइटेडपाखें उपाधि लाकेत ताःलाःगु खः ।

ल्याःया धलखय् निगुिलं टिमं ३८ गू कासापाखें ८९ गू ल्याः काःगु खःसां गोल अन्तरया लिधंसाय् युनाइटेडयात लिउने लाकूसें सिटीं उपाधि ल्ह्वनेत ताःलाःगु खः । सिटीं थ्व स्वयां न्ह्यः सन् १९६८ स प्रीमियर लीगया उपाधि त्याकूगु खः ।

आइतवाः थःगु हे कासाख्यलय् जूगु कासाय् सिटीं जाबालेटाया गोलपाखें ३९ गू मिनेटय् अडंता काःगु खः । तर लिपा झिम्ह कासामिइ सीमित जूग क्यूपीआरं डिफेन्सीभ कासा म्हितुसें सेसं ४८ गू मिनेटय् व माइकीं ६६ गू मिनेटय् गोल यानाः सिटीयात लिउने लाकूगु खः । ९० गू मिनेट तक लिउने लाःगु सिटीं अतिरिक्त इलय् निगू गोल यासें लिच्वः हिलाबिउगु जक मखु पीप्यदँ लिपा उपाधि तक थःगु ल्हातय् लाकल । अतिरिक्त इलय् जोकों बराबरी गोल याःगु खःसा सर्जिओ एग्युरों विजयी गोल याःगु खः ।

उखे थौं हे म्यानचेष्टर युनाइटेड व सण्डरल्याण्ड दथुइ जूगु कासाय् युनाइटेड छगू गोलं कासा त्याकेत ताःलाःगु खः । लिच्वः थःगु पक्षय् लाःसा नं गोल अन्तरया आधारं उपाधि थःगु ल्हातं त्वफिकेत युनाइटेड बाध्य जुल ।

More Stories Like this