थौं नेवाः आन्दोलनया नेता व नेवाः पत्रकारतय्गु दथुइ सहलह
येँ (झीगु स्वनिगः)
वर्तमान अवस्थाय् नेवाः आन्दोलनया नेतृत्व यानाः वयाच्वंपिं नेवाः नेतात व नेवाः पत्रकारतय्गु दथुइ थौं आइतवाः सहलह जुइगु जूगु दु । नेवाः देय् दबूया ज्याकु ताम्सीपाखाय् सनिलया ४ ताः इलंनिसें अथे सहलह ज्याझ्वः जुइ धकाः नेवाः पत्रकार राष्ट्रिय दबुलिं धाःगु दु ।
लिपांगु इलय् नेपाःया राजनीतिइ ब्वलंगु घटनाक्रम नापं नेवाःतय्सं यानाच्वंगु आन्दोलनया बारे सहलह जुइ धाःगु दु । उगु सहलह ज्याझ्वलय् ब्वति कायेत नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबुलिं फुक्क नेवाः पत्रकारतय्त इनाप याःगु दु ।
