भारतीय राजदूतया निर्देशनय् झंगः लायेगु कुतः
‘नेवाः राज्यया नितिं नेवाः जन स्वयंसेवक’
येँ (झीगु स्वनिगः)
भारतीय राजदूत जयन्तप्रसाद सिंहया निर्देशनय् प्रमुख स्वंगू दलया शीर्ष नेतातय्सं पहिचान मदुगु ११ प्रदेश निर्माण यायेगु नितिं षडयन्त्र जुयाच्वंगु दु । जयन्तप्रसादया हे निर्देशनय् एकीकृत माओवादीया नायः पुष्पकमल दाहाल प्रचण्ड, कांग्रेसया सभापति सुशील कोइराला व एमालेया नायः झलनाथ खनाल लिपा प्रदेशया नां तयेगु धकाः अथे पहिचान रहितया ११ प्रदेश दयेकेगु नितिं करिव करिव सहमति जूगु दु धकाः छम्ह नेतां धयादीगु दु ।
उकिया नितिं मधेसी मोर्चाया नेतातय्त नं सहमतिइ हयेगु नितिं दुने दुने कुतः यानाच्वंगु दु ।
