नेपाः एसिसि अण्डर – १६ एलिट कप क्रिकेटया फाइनलय्

डिफेण्डिङ च्याम्पियन सिंगापुरयात १०१ रनया अन्तरं बुकाः नेपाल एसिसि अण्डर – १६ एलिट कप क्रिकेट धेंधेंबल्लाः कासाया फाइनलय् थ्यंगु दु ।

मलेसियाया बायोमास क्रिकेट मैदानय् टस त्याकाः न्हापां ब्याटिङ्ग याःगु नेपालं निर्धारित ४० ओभरय् ९ विकेटया क्षतिइ २४१ रन दयेकूगु खः । नेपाःया नितिं जगदिश चन्दं ५३ व नुरध्वज सेनं ५१ रनया योगदान ब्यूगु खः ।

लिसलय् २४१ रनया लक्ष्य कयाः मैदानय् कुहांवःगु सिंगापुर ३६ दशमलव ५ ओभरय् १३९ रनय् सीमित जुइवं नेपाः फाइनलय् दुहांवंगु खः ।

थ्व लिसे नेपालं न्हापाया संस्करणया फाइनलय् कासा त्याकेमफुगुया बदला नापं काःगु दु । सिंगापुरं बांलाक्क कासा म्हितूगु जूसां नं नेपाःमि कासामिया धिसिलाःगु बलिङ्गया न्ह्यःने छुं यायेमफयेवं सिंगापुर बूगु खः ।

More Stories Like this