पहिचानया पक्षय् माओवादी, जनजाति, मधेसी, मुस्मां, दलितया मंकाः मोर्चा

येँ (झीगु स्वनिगः)

संविधान निर्माणया झ्वलय् पहिचानया आधारय् राज्य पुनर्संरचनाया पक्षय् आदिवासी, जनजाति, मधेसी, दलित, मुस्मांत छप्पँ जूगु दु । संविधानसभाय् विवादित विषययात कयाः मतदानया आधारय् निर्णय यायेगु धकाः तयारी यायेवं अथे आदिवासी जनजातित छप्पँ जूगु खः । म्हिगः बुधवाः च्वंगु मंकाः मुँज्यां उगु कथं निर्णय याःगु खः । निर्णय पतिइ थुकथं न्ह्यथनातःगु दु ‘संयुक्त लोकतान्त्रिक मधेसी मोर्चा, आदिवासी जनजाति सभासद् सभा ककसय् आबद्ध सभासद, दलित, मुस्लिम व मेमेगु दल सम्वद्ध नापं स्वतन्त्र सभासद्तय्गु मंकाःगु बैठक च्वनाः संविधानसभापाखें जेठ १४ गते दुने न्हूगु संविधान निर्माण यायेगु प्रतिबद्धता सहित क्वय् न्ह्यथनागु विषययात कयाः सहमति जूगु दु ।

१) राज्य पुनर्संरचना सम्वन्धय् एकल पहिचानसहितया संघीय राज्य पुनर्सरचनाया आधारय् राजनीतिक दलत व संवैधानिक समितिइ सहमतिया नितिं थ्व मंकाः बैठकपाखें पहल यायेगु ।
२) विवादित विषययात कयाः राजनीतिक सहमति जुइ मफैगु अवस्थाय् जिपिं आदिवासी, जनजाति, मधेसी, दलित, मुस्लिम व मेमेगु दलनाप सम्बद्ध नापं स्वतन्त्र सभासद्तय्गु एकल पहिचानया आधारय् राज्यया पुनर्संरचना नापं राज्य शक्तिबाँडफाँट समितिया प्रतिवेदन व राज्य पुनर्संरचना सुझाव आयोगया बहुमतया प्रतिवेदनयात मुख्य आधार दयेकाः संघीय राज्य पुनर्संरचनाया पक्षय् दृढतापूर्वक दनेगु प्रतिबद्धता यानाच्वना ।
३) सहमति मजूगु विषययात संविधानसभा नियमावली कथं प्रकृया याकनं हे न्ह्यब्वाकेत संविधानसभाया सम्मानीय सभाध्यक्षयात इनाप यायेगु ।
४) नकतिनि जक नवलपरासी, कैलाली, कंचनपुर लगायातया थीथी जिल्लाय् जूगु थीथी आन्दोलनया झ्वलय् थारु संग्राहलय च्याकेगु थें जाःगु सामाजिक सद्भाव स्यंकेगु कथंया घटनाप्रति दुःख प्वंकाः वइगु दिनय् फुक्क संघर्षरत पक्षयात सामाजिक सद्भावयात कायम यनाः तयेगु विषयप्रति गम्भीर जुइत इनाप यानागु दु ।’
उगु निर्णयपतिइ ल्हाःचिं सभासद्त विजयकमुार गच्ेछदार (फोरम लोकतान्त्रिक), पृथ्वी सुब्बा गुरुङ (एमाले नापं आदिवासी जनजाति सभासद् दबाव समूह ककसया नायः), इन्द्रबहादुर गुरुङ (कांग्रेस), महेन्द्र यादव (तमलोपा, नेपाल), बर्षमान पुनः (एकीकृत माओवादी), हृदेश त्रिपाठी (तमलोपा), किरण गुरुङ (एमाले), देव गुरुङ (एकीकृत माओवादी), पासाङ शेर्पा( एमाले), राजकिशोर यादव (फोरम गणतान्त्रिक), विशेन्द्र पासवान (दलित जनजाति पार्टी), अनिलकुमार झा (संघीय सदभावना), सदरुल मिया हक (स्वतन्त्र), रुक्मिणी चौधरी (संघीय लोकतान्त्रिक राष्ट्रिय मञ्च), बुद्धरत्न मानन्धर (नेपाः राष्ट्रिय पार्टी), तिलकबहादुर थापा (माले समाजवादी), एमएस थापा (जनमुक्ति पार्टी), जितेन्द्र सोनार (तमलोपा), रणध्वज लिम्बु कन्दङवा (एमाले), सुरेश आलेमगर (एकीकृत माओवादी), भगवती चौधरी (एमाले), प्रेम तामाङ (एकीकृत माओवादी), रुपा चौधरी (एकीकृत माओवादी), दलबहादुर राणा (एमाले), चन्द्रिका प्रसाद यादव (फोरम गणतान्त्रिक), सलाहुदिन मसलमान (तमलोपा), हरि खेवा (एकीकृत माओवादी), मृगेन्द्र कुमार सिंह यादव (फोरम लोकतान्त्रिक), गोविन्द चौधरी (तमलोपा), जिपछिरिङ लामा (कांग्रेस), दानबहादुर चौधरी कुर्मी (तमलोपा नेपाल), सर्वदेव प्रसाद ओझा (फोरम लोकतान्त्रिक) व रामजनम चौधरी (फोरम लोकतान्त्रिक)पिन्सं मकाः कथं ल्हाःचिं तयादीगु खः ।