सुकम्बासीतपाखें बन्द आह्वान
येँ (झीगु स्वनिगः)
सरकारं बल प्रयोग यानाः छेँ तहरा थुनेगु ज्या याःगुलिं उकिया विरोधय् धकाः सुकुम्बासीतय्सं थौं बुधवाः स्वनिगः बन्द आह्वान याःगु दु । सुकुम्बासीतय्गुपाखें धकाः संयुक्त राष्ट्रिय सुकुम्बासी मोर्चा नेपालं म्हिगः मंगलवाः पत्रकार समेलन यानाः अथे बन्दया आह्वान याःगु खः ।
सुकुम्बासीतय्गु नितिं बैकल्पिक व्यवस्था मयासे आकाझाकां कुपण्डोल लागाय् च्वंगु सुकुम्बासी वस्तीइ छेँ टहरा थुनेगु याःगुलिं अथे बन्द आह्वान याःगु खः । इमिसं मंगलवाः हे मसाल जुलुस याःगु दु । म्हिगः मंगलवाः सुथ न्हापां हे प्रहरीत व्यापक रुपं परिचालन यानाः अथे डोजर प्रयोग यानाः छेँ टहरा थुनेगु ज्या याःगु खः ।
