एफ ए कपया उपाधि चेल्सीयात
इंग्लिस प्रीमियर क्लब चेल्सीं इंग्ल्याण्डया एफ ए कपया उपाधि त्याकूगु दु । इंग्ल्याण्डया वेम्बली रंगशालाय् वंगु चान्हय् जूगु फाइनल कासाय् लिभरपुलयात बुकूसें चेल्सीं उगु उपाधि त्याकूगु खः ।
उगु कासाय् चेल्सीया लागि ब्राजिलियन कासामि रमिरेस व डिडियर ड्रोग्बां न्हापांगु हाफय् छगू छगू गोल याःगु खःसा लिभरपुलया लागि बैकल्पिक कासामि एण्डी क्यारोलं छगू गोल याःगु खः ।
थुगु कासा न्हापां चेल्सीं सन् २००७ २००९ व २०१० य् नं त्याकेधुंकूगु खःसा सन् २००५ लिपा थुगु कासा त्याकेगु लिभरपुलया म्हगस ताःमलात ।
वइगु च्याम्पियन लीगय् वनेगु सम्भावना कमजोर जुयाच्वंगु चेल्सीया लागि थ्व छगू राहत जुयाबिउगु दुसा थुगुसी जर्मनीइ च्याम्पियन लीग उपाधिया लागि जर्मन क्लब वायर्न म्यूनिखलिसे धेंधेंबल्ला यायेगु लागि मनोबल नं उच्च जूगु दु ।
More Stories Like this




