एएफसी यु २२ या लागि कासामि ल्यल

एएफसी यु २२ एशिया कपया छनोट चरणया कासाया लागि नेपाःया पुचलय् ३० म्ह कासामित ल्यःगु दु ।

टिमया तयारी यायेगु लागि सघं निगूगु चरण अन्तरगत ३० म्ह कासामित ल्यःगु एन्फां न्ह्यथंगु दु । उगु पुचलय् राष्ट्रिय पुचःया दुजःत नं दुथ्यानाच्वंगु दु । विकेश कुथु, विशाल श्रेष्ठ, अमृत कुमार चौधरी, दिनेश थापा मगर, सबिन्द्र श्रेष्ठ, विकास िसंह क्षेत्री, रबिन श्रेष्ठ, दीपक भुषाल, पाल्साङ लामा, अजीत भण्डारी, प्रबीण सैंजु, रबि थापा, शिब श्रेष्ठ व रोशन लामिछाने दुथ्यानाच्वंगु दु । अथेहे प्रवीण कार्की, गणेश खड्का रुपेश के.सी., सुलभ मास्के, अनिल ओझा, भरत खवास, सुजल श्रेष्ठ, अमीर श्रेष्ठ, असिमजंग कार्की, बुद्ध चेम्जोङ्ग, जंबु शेर्पा, सुशील के.सी., सन्तोष तामाङ्ग व बिशाल राई नं लानाच्वंगु दु ।

अथेहे अनुशासनया कारवाहीस लाःम्ह जगजीत श्रेष्ठयात फुकुवालिपा उगु पुचलय् दुथ्याइगु जूगु दुसा भारतया आई लिगय् म्हिताच्वंम्ह रोहित चन्द नेपाः लिहांवयेधुंकाः पुचलय् दुथ्याकेगु एन्फां न्ह्यथंगु दु ।

एएफसी यु २२ एशिया कपया छनोट चरण अन्तरगत 'घ' पुचःया कासा वइगु जेठ २० निसें ३० गतेतक येँय् जुइ । उगु कासाय् नेपाःया लिसें उज्वेकिस्तान, यमन, जोर्डन व बंगलादेशं नं ब्वति काइ ।

More Stories Like this