एलिट क्रिकेटय् नेपाःया विजयी शुरुवाट

मलेसियाय् थनिंनिसें न्ह्याःगु एसीसी अण्डर सिक्सटिन एलिट कप क्रिकेटय् नेपालं विजयी शुरुवाट याःगु दु ।

समूह चरणया न्हापांगु कासाय् नेपालं कुबेतयात ७८गू रनं बुकूगु दु । नेपालं न्ह्यब्वःगु १८०गू रनया लक्ष पूवंकेत कासाख्यलय् कुहांवःगु कुबेतयात ३२.४ ओभरय् १०१ गू रनया स्थितिइ अल आउट याःगु खः । कुबेतयात म्हो रनय् सीमित यायेगु लागि कासाया म्यान अफ दि म्याच घोषित जूम्ह कालीचरण यादवं १४गू रन बियाः ४गू विकेट काःगु खः ।

थ्व स्वयां न्ह्यः टस त्याकाः न्हापां ब्याटिङ्ग याःगु नेपालं दक्व विकेटया क्षतिइ १७९गू रन दयेकूगु खः । नेपाःया लागि नुरध्वज सेनं ४७गू व कुशल भुर्तेलं ३५गू रन दयेकूगु खः ।
नेपालं आः आइतवाः बहराइनलिसे कासा म्हिती ।

More Stories Like this