कन्हय् नेवाः मिसा पत्रकारय्गु भेला
येँ(झीगु स्वनिगः)
नेवाः पत्रकार राष्ट्रिय दबूपाखें कन्हय् शुक्रवाः यलया अक्षश्वर महाविहारय् न्हापांखुसि नेवाः मिसा पत्रकार भेला यायेत्यंगु दु । सनिलय् ४ ताः इलंनिसें जुइगु उगु भेलाय् नेवाः मिसा पत्रकारतय्त न्ह्यःने यंकेगु नापं संगठीत यानाः यंकेगु बारे सहलह जुइ धकाः नेवाः पत्रकार राष्ट्रिय दबुलिं धाःगु दु । उगु भेलाय् थीथी संचार माध्यमय् ज्या यानाच्वंपिं नेवाः मिसा पत्रकारतय्सं ब्वतिकाइ धाःगु दु ।
