‘प्रचण्डं मजदुरयात झंगःलात’

येँ(झीगु स्वनिगः)

एकीकृत माओवादीया वरिष्ठ न्वकु मोहन वैद्य ‘किरणं जनयुद्धया प्रतिवद्धतात त्वःताःपाटीया नायः पुष्पकमल दाहाल ‘प्रचण्डं’ मजदुरतय्त झंगः ल्हानादिल धकाः धयादीगु दु । म्हिगः मगंलवाः बसन्तपुलिइ अखिल नेपाल टे«ड यूनियन महासंघनापं प्यंगू महासंघं मंकाः कथं ग्वसाःग्वःगु १ सय २३ क्वःगु विश्व मजदुर दिवस ज्याझ्वलय् न्वंवासें वय्कलं अथे द्वपं बियादीगु खः । अखिल नेपाल टे«ड यूनियन महासंघ, अखिल नेपाल प्रगतिशील टे«य यूनियन महासंघ (एकीकृत), क्रान्तिकारी मजदृुर संघ नेपाल व अखिल नेपाल टे«ड यूनियन महासंघ (क्रान्तिकारीं) मंकाः कथं मे मजदुर दिवस हंगु खः । ज्याझ्वलय् किरणं बाह्य व आन्तरिक रुपय् आत्मसमर्पणवादया गम्भीर खतरा दुगु न्ह्यथसें जनताया सङ्घीय गणतन्त्रसहित मजदुर हकहितयात स्थापित याइगु समानुपातिक प्रतिनिधित्व आवश्यकता दुधासें उकिया नितिं प्रतिबद्धता प्वंकादिल ।

‘‘गरीब जनता, किसान, मजदुर, उत्पीडित जाति जनजाति, वर्ग, लिङ्ग, क्षेत्रया अधिकार स्थापित यायेगु नितिं जनयुद्धया नेतृत्व यात, तर आः वयाः झंगःलात ।’’वय्कलं बः बियाः धयादिल, ‘‘सरकारी सेना प्रयोग यानाः जनमुक्ति सेनायात आत्मसमर्पण याकाः शान्ति प्रक्रिया क्वचायेकल ।’’ थःपिन्त शान्ति व संविधानविरोधीया रुपमा प्रचार यानाः पार्टी तछ्यायेत्यंगु द्वपं बियाबयाच्वंगु अवस्थाय् वरिष्ठ नेता किरणं जनताया हकहितयात प्रत्याभुत यायेगु कथं जक पार्टी एकता जुइ धयादिल ।, ‘‘जनताया हकहितयात स्थापित यायेगु कथं एकता यायेपैm, जिपिं तज्यायेगु खँ मखु ।’’मेपिन्सं झंगःल्हाःसां नं थःपिन्सं जनतायात झंगःलायेगु जुइमखु धयादिसें वय्कलं संविधानय् न्ह्याथे जाःगु झंगःलाःसां नं थःपिन्सं गुगु नं हालतय् सुंक च्वनेगु जुइमखु न्ह्याथेजाःगु आन्दोलन यायेत तकं तयार दु धकाः धयादिल । मूछ्याञ्जे रामबहादुर थापा ‘वादलं’ नायः प्रचण्डया धापूप्रति लक्षित यानाः भारत व नेपाःया दथुइ विशेष स्वापूया स्पष्टिकरणया माग यासें निगू देय्या दथुइ समान व मैत्रीपूर्ण स्वापू आवश्यकता दु धयादिल ।

नेकपा (माओवादी)या कजि मातृका यादवं न्हूगु सरकारया बहस सार्वजनिक जुयाच्वंगु सम्बन्धय् पार्टीया वैद्य पक्षया धारणा माग यानादिल । वय्कलं पार्टीया नायः प्रचण्डं सैद्धान्तिक व वैचारिक रुपय् पार्टीया लाइन त्वःतल धकाः द्वपं बियादिसें उगु हे पार्टीइ च्वनेगुया उपयुक्त जुइमखु धयादिसें पार्टी दुने विद्रोह यायेत आह्वान यानादिल । नेकपा (एकीकृत)या छ्याञ्जे सीताराम तामाङं संविधानय् जनताया अधिकार सुनिश्चित यायेत थप आन्दोलन यायेत तकं तयार दु धयादिल । वय्कलं राज्य पुनःसंरचनाय् पहिचानसहित सामथ्र्यताया आधारय् राज्य पुनर्संरचना यायेमाः धयादिल । माओवादीया केन्द्रीय दुजः रेखा शर्मां नं न्वंवानादीगु उगु ज्याझ्वलय् सामना सांस्कृतिक संघं निरन्तर क्रान्तिया पक्षय् सांस्कृतिक ब्वज्या याःगु खः । अथे सभा याये न्ह्यः स्वनिगःया खगू थाय् थासं जुलुस पिकाःगु खः ।