थौं मजदुर दिवस

थौं मजदुर दिवस । विश्वन्यंकया मजदुरत न्याय, समानता व स्वतन्त्रताया नितिं १२३ क्वःगु मजदुर दिवस थीथी ज्याभ्mवः यानाः हनाच्वंगु दु । मजदुरतय्गु दथुइ शैक्षिक जागरण हयेगु, पिने लानाच्वंपिं मजदुरतय्त संगठनदुने आबद्ध यायेगु व नेपालय् न्ह्यानाच्वंगु अग्रगामी आन्दोलन व क्रान्तियात पूवंकेगु दिशाय् न्ह्याःवनेगु हे मजदुरतय्गु न्हापांगु उद्देश्य व ज्याभ्mवः जुइमाः ।

विश्वय् पूँजीवादया विकासं मजदुर वर्गयात न्ह्यःने हःगु खः । औद्योगिक क्रान्तिं मजदुर वर्गया दथुइ विद्यमान समस्यायात समाधान यायेगु संगठित जुजुं न्ह्यःनेवःगु मजदुर वर्ग विकसित समाजया क्रान्तिया न्ह्यलुवाःया रुपय् खनेदत । पूँजीवादया चरम विकासं छख्य मजदुर वर्ग दुने मानव विकासया चेतना थनसा मेख्य क्रान्ति व परिवर्तनया छगू हुइ मपैmगु शक्तिया रुपय् न्ह्यःने वल ।

औद्योगिक क्रान्ति अमेरिका व युरोपय् न्ह्यःनेवःगु मजदुर वर्ग धायेवं हे विश्वव्यापी जुल व पूँजीवादी व्यवस्थायात हाथ्या बीपूmगु शक्तिया रुपय् रुपान्तरित जुल । फ्रान्सया राजधानी पेरिसय् ऐतिहासिक घटनाय् हिल व मजदुर वर्ग हिंसात्मक रुपं पूँजीपतितय्ु सत्ताच्यूत यानाः लत्याया नितिं हे थजु मजदुरतय्गु सत्ता स्वन । थुकिया हे देखासिकी यानाः अमेरिकाया शिकागो शहरय् मजदुर वर्गं पूँजीपतितय्त पुलिं चुइकाः मजदुर वर्गया नितिं ऐतिहासिक निर्णयत याकेत ताःलात अबले निसें मे १ तारिखयात मजदुर दिवसया रुपय् हनावःगु दु ।

थौंकन्हय् मजदुरतय्गु अवस्था नेपालय् उलि सन्तोषजनक मजू । इमिसं यक्कों समस्यात भोगय् यायेमालाच्वंगु दु । सत्ताय् सहभागिता मदुगुलिं मजदुरतय्गु मू समस्या जुयाच्वंगु दु । नीति निर्माणया थासय् मजदुरत मदु, मध्ये व पूँजीपतितय्सं इमिगु भविष्यप्रति खेलवाद यायेगु समस्या जुयाच्वंगु दु । ज्याया सुनिश्चितता मदुगु, माक्को तलब व सुविधा मदुगु लगायत कारणं मजदुरतय्गु जीवन कष्टकर व दयनीय अवस्थाय् लानाच्वंगु दु । मजदुरतय्गु हक अधिकार व सुविधा सम्बन्धी खास कानुनी व्यवस्था मदुगु व दुगु नापं कार्यान्वयनय् मवःगु व वयेमपूmगु कारणं थप समस्याय् लानाच्वंगु स्पष्ट खनेदु । थ्व बाहेक ज्यालादारी, करार सेवाय् दनावइगु मेगु समस्याया रुपय् खनेदयाच्वंगु दु ।

मजदुरतय्गु हक हितया नितिं वर्तमान संगठनपाखें छु छु ज्या यायेपैm उकिया कार्यसूची दयेकेमाः । वर्तमान परिस्थितिइ तत्काल पूवंके पैmगु व भविष्यय् छसीकथं पूवंकाः न्ह्याः वनेपैmगु ज्याभ्mवःया धलः दयेकाः न्ह्याः वनेमाः । संघर्ष व आन्दोलनं जक मजदुरतय्गु जीवनय् हिउपाः हयेपैmगुलिं मजदुरत न्ह्याबलें थ्व खँय् सजग व सतर्कता दयेकेमाः । एकीकृत नेकपा माओवादीया नायः प्रचण्ड व न्वकु बाबुरामपिंसं क्रान्तिप्रति विश्वासघात यानाः मजदुरतय्गु जनजीवनय् वइगु हिउपाःयात पनाब्यूगु दु । मजदुरतय्सं बियावःगु योगदानयात कदर यायेगु पलेसा हेला व अपमान यानाब्यूगु दु । थुगु सन्दर्भयात ध्यानय् तयेबलय् नेपाली क्रान्तियात थप बल व शक्ति मजदुर वर्गं लगानी यायेमाःगु अवस्था वयाच्वंगु दु । मजदुर दिवसया १२३ क्वःगु दिवस हनेगु भ्mवलय् नं थ्वहे सत्ययात आत्मसात यायेफत धाःसा निश्चितरुपं सार्थकता खनेदै ।

More Stories Like this