भ्रष्टाचार यायेत उदृत दलत छगू अर्ब धेबा इनाकायेगु ल“पुइ

जन सहभागिताया नामय् बजेटया धेबा रकमान्तर यानाः दलया शीर्ष नेतातय्गु माध्यमं छगू अर्ब धेबा इनाकायेगु ज्या कार्यान्वयन जुइत्यंगु अवस्थाय् – भ्रष्टाचार जुइगु व राज्यकोषया दुरुपयोग जुइगु धाधां सार्वजनिक लेखा समितिं पनाब्यूगु दु । छख्य पुलांगु ल्याःचाः समितियात लःमल्हायेगु व मेगु न्हूगु वनिगु १ अर्ब थ्यंक धेबा दलतय्त इनाबीगु खं न्यनेमात्रं समितिया कपाः स्याकेगु ज्या जूगु दु । जन सहभागिताया नामय् अथे पार्टीतय्त तप्यंक धेबा बीगु खँयात सुनां नं स्वीकार यायेपैmमखु । राज्यकोषया धेबा दुरुपयोग यायेत लालायित दलतय्गु नैतिकता नापं कमजोर जुजुं वनाच्वंगु थुकिं स्पष्ट याइ । दलतय्सं पुलांगु ल्याःचाः समितियात न्हापां हे लःल्हायेमाःगु अवस्थाय् नं अथे मयासे थप कोषया दुरुपयोग यायेगु धैगु तसकं मछालेपुस्से च्वंगु व क्वह्यंगु हे ज्या खः । वइगु २० गते तक्क नं दलतय्सं ल्याःचाः मबिल धाःसा मेगु हे पलाः छीगु समितिं बिचाः यानाच्वंगु दु ।

कानुनी व्यवस्था बाहेक छुं नं कथंया रकम स्थानान्तर मयाकेगु व मयायेत अर्थमन्त्रालय लिसे फुक्क मन्त्रालययात समितिं निर्देशन ब्यूगु खः । छुं ई न्ह्यः जक स्थानीय विकास मन्त्रालय अन्तर्गत सामाजिक सुरक्षा व अनुदानया न्यय्गू करोड धेबा उगु कोषय् स्थानान्तर याःगु खः । १ अर्ब धेबा थीथी पार्टीतय्त बियाः उगु धेबां छुं छुं ज्याभ्mवः यायेगु धयागु खँय् पार्टीतय्गु दथुइ आःतक्क छलफल तक्क न्ह्याकेधुंकूगु खः ।
सामाजिक सुरक्षा व नागरिकतय्गु अनुदानपाखें झिगू – झिगू करोड व ग्रामीण अनुदानं ३० करोड धेबा रकमान्तर यायेत प्रक्रिया न्ह्याकूगु लगत्तै समितिया ध्यान वंगु खः । पार्टीगत कार्यकर्तातय्त पोसे यायेगु नियतं माओवादीया प्रचण्ड–बाबुराम समूहपाखें उगु १ अर्ब धेबा स्वहायेकेत स्वःगु दु । थुकीं नेपाली कांग्रेस व एमालें नं भाग बीमाःगु ल्हातय् सहमति ब्यूगु दु । लिपा मधेशी मोर्चां नं धेबा माग यानाहयेवं – धेबा मगाः मचाः जुइवं थप धेबाया बन्दोबस्त यायेगु पाखे दलत सक्रिय जूगु खःसा थप न्यय्गू करोडया व्यवस्था यायेत स्वःगु खः । थ्व खँ सीवं समितिया ध्यान वंगु खः । माओवादीया प्रचण्ड–बाबुरामपिनिगु उगु ज्याभ्mवलं स्वंगू दल व मधेशी मोर्चा लय्ताःगु खः । राज्यया धुकू थुगु कथंया पार्टीया कार्यकर्तातय्त लहीगु उद्देश्ययात समितिं दथुइ हे पनाबीवं दलत धाःसा तंचाःगु दु ।

प्रचण्ड–बाबुराम समूहया उगु १ अर्बया धेबा प्यंगू दलया दथुइ इनाः नयेगु ज्याभ्mवःयात कयाः नागरिक समाज व बृद्धिजीविस्तरं तःधंगु विरोध जूगु दु । सत्ताय् च्वनाः देय्या धुकू खाली यायेगु थुज्वःगु ज्याभ्mवलं पार्टीनापं स्यनेपूmगु सम्भावना दु । न्यनेदुकथं थुगु योजना माओवादीया अर्थमन्त्री वर्षमान पुन, स्थानीय विकासमन्त्री टोपबहादुर रायमाझी व योजना आयोगया न्वकु दीपेन्द्रबहादुर क्षेत्री लगायत मनूत च्वनाः उगु ज्याभ्mवः दयेकूगु खः ।

More Stories Like this