थौं जनजातिय्गु शक्ति प्रदर्शन
येँ(झीगु स्वनिगः)
जातीय पहिचानया आधारय् राज्य पुनर्संरचना यायेमाःगु माग यानाः आदिवासी जनजाति संयुक्त संघर्ष समितिया ग्वसालय् थौं येँय् आदिवासी जनजातिय्सं शक्ति प्रदर्शन याइगु जूगु दु ।
उगु शक्ति प्रदर्शनया नितिं म्हिगः बुधवाः आदिवासी जनजातिय्सं स्वनिगलय् मोटरसाइकल ¥याली पिकाःगु दु । उगु ¥याली स्वनिगःया थाय् थासय् चाःहिलाः कोणसभा तकं याःगु खः । थ्व हे झ्वलय् थौं स्वनिगःया थाय् थासं जुलुस पिकया वइगु जुलुस बसन्तपुली थ्यंकाः तःजिगु सभा याइगु जूगु दु ।
उगु सभाय् जनजाति व मधेसी नेतातय्सं सम्वोधन यानादी । न्हिनय् १ बजेनिसें २ बजे तक सांस्कृतिक ब्वज्या यानाः २ बजेनिसें सभा यायेगु तयारी याःगु दु । थ्व हे दथुइ एकीकृत नेवाः राष्ट्रिय मुक्ति मोर्चाया नेता व कार्यकर्तात येँया क्षत्रपाटी लागाय् मुनाः जुलुस हे यानाः बसन्तपुली वनीगु जूगु दु ।
