सहमतिया नितिं हाकनं निन्हुया म्याद थप

येँ(झीगु स्वनिगः)

सहमतिया नितिं धकाः लगातार रुपं म्याद थप यानाः वयाच्वंपिं प्रमुख स्वंगू दलया शीर्ष नेतात नापं मधेसी मोर्चाया नेतातय्गु इनाप कथं हाकनं निन्हुया म्याद थप याःगु दु । लिपांगु इलय् प्रमुख स्वंगू दल व मधेसी मोर्चाया नेतातय्सं थप याःगु म्याद म्हिगः बुधवाः फूगु खःसा हाकनं म्याद थप मयाःगु जूसां थौं विहिवाः हे संविधानसभाय् मतदानया आधारय् विवादित विषयलय् निर्णय यायेमाःगु खः । तर शीर्ष नेतात संविधानसभाय् मतदानय् वनेत तयार मजुसे सहमतिया नितिं धकाः लगातार रुपं म्याद थप यानाः वयाच्वंगु खः ।