डिफेण्डिङ्ग च्याम्पियन बार्सिलोना च्याम्पियन लीगं पिहांवन

डिफेण्डिङ्ग च्याम्पियन बार्सिलोना यूरोपियन च्याम्पियन लिग फुटबलया सेमीफाइनल कासां हे पिहांवन ।

वंगु चान्हय् जूगु कासाय् इङ्गलिस प्रीमियर क्लब चेल्सीं बार्सायात निगू गोलया बराबरी कासा म्हिताः समग्रय् निगूया बिरुद्ध स्वंगू गोल बुकाः फाइनलय् दुहांवंगु खः ।

न्हापांगु लेगय् चेल्सीं बार्सायात छगू गोलं बुकूगु खः । वंगु चान्हय् थःगु हे घरेलु कासाख्यः नोउ क्याम्पय् जूगु कासाय् बार्सिलोनां निगू गोलं न्ह्यःने लाःसां नं उकियात ल्यंके मफूगु खः । बार्साया लागि स्वीन्यागू मिनेटय् सर्जिओ बुस्केटं गोल याःगु खः । उकिया झिगू मिनेट लिपा चेल्सीया जोन टेरीं ह्याउँगु कार्ड नयाः झिम्ह कासामिइ सीमित जूगुया फाइदा कासें पीस्वंगू मिनेटय् आन्द्रे इनिस्टां मेगू गोल याःगु खः । चेल्सीया लागि डिडियर ड्रोग्वां न्हापांगु हाफया लिपांगु मिनेटय् गोल यानाः अन्तर म्हो याःगु खःसा कासाया अतिरिक्त इलय् फर्नान्डो टारेसं गोल यानाः कासा निगू निगूया बराबरी क्वचायेकूगु खः । निगूगु हाफय् डिडियर ड्रोग्बां बार्साया सिस फेब्रिगासयात दयेकूगुिलं बार्सिलोनायात वःगु पेनाल्टी लिओनल मेस्सीं गोल यायेमफूगु खः ।

थौं चान्हय् स्पेनिस क्लब रियल मेडि्रड व जर्मन क्लब बायर्न म्युनिख दथुइ फाइनलया लागि रियलया घरेलु कासाख्यः सान्तिएगो बेर्नाबाउलय् धेंधेंबल्ला जुइ । न्हापांगु लेगय् बायर्न छगूया बिरुद्ध निगू गोलं त्याःगु खः ।

More Stories Like this