डिफेण्डिङ्ग च्याम्पियन थ्रीस्टार क्लब उपाधि लिक्क

डिफेण्डिङ्ग च्याम्पियन थ्रीस्टार क्लब येँय् न्ह्यानाच्वंगु ब्रिटिस गोर्खा कप फुटबलया फाइनलय् दुहांवंगु दु ।

उपाधि रक्षा यायेगु अभियानय् थौं जूगु न्हापांगु सेमीफाइनल कासाय् हिमालयन शेर्पा क्लबयात छगू गोलं बुकाः फाइनलय् दुहांवंगु खः । न्हापं खुसी लाइटय् म्हितकूगु थौंया कासाय् लीगया उपविजेता हिमालयन शेर्पा क्लबं थ्रीस्टारयात तसकं हाथ्या बिउगु खः । क्वःछिनातःगु ग्वीगू मिनट व थप याःगु ईया न्हापांगु हाफ तक गोलरहित बराबरी कासा म्हितूगु खःसा थ्रीस्टारया लागि सच्छि व गुंगू मिनेटय् विक्रम लामां गोल याःगु खः । थ्रीस्टारं छगू लिपा मेगू आक्रमण याःसा उकियात हिमालयन शेर्पां ताःलाके मबिउगु खः ।

आः थ्रीस्टारं उपाधिया लागि नेपाल पुलिस क्लब व मनाङ्ग मर्स्याङ्गदी क्लब दथुइ कन्हय् जुइगु निगूगु सेमीफाइनल कासाया बिजेता लिसे शनिवाः म्हिती ।

More Stories Like this