आः ३३ न्हि ल्यं दनि

अशोक सिल्वाल

संविधान सभाया म्याद ३३ न्हु जक ल्यं दनि । थ्व अवधीइ संविधानं पूर्णता कायेमाःगुया विकल्प मदु । तर संविधान वयेमाः, वइ, वा वइगु स्थितिइ दु । थ्व खुसिया खँ खः पक्का नं । वंगु दँया शुरुपाखे थ्वहे स्तम्भय् ०६७ लँपुइ वनेमते, ०६८ च्वयागु खः । सायद लिपाक्क हे थजु उगु दँ अथेहे वनकि ? शुरुवात उलि सुखद् मजूसां नं वर्षया अन्तिमपाखे शान्ति प्रक्रियाया महत्वपूर्ण पक्ष सेना समायोजनाया प्रसंग छगू निर्णायक लँ ज्वन । उकिं शान्ति प्रक्रिया जक मखु, संविधान दयेकेगु यात्रां नं थासय् थ्यंकेगु लँ ज्वंगु खः कि धयाथें च्वं । उकिं २०६८ या जगय् २०६९ सं संविधानया छेँ दयेकेगु स्थिति खनेदु । व छेँ गुज्वःगु खः ? उकी फुक्कं न्ह्यनीला ? ज्वःगु पौ लाइगु खः लाकि ? छेँ थें मजुसे व भवन जक जुइगु खः कि ? थुकिया ‘इञ्जिनियरिङ्ग’ गनं जुयाच्वंगु दु कि ? थुपिं व थुज्वःगु यक्कों न्ह्यसः दु, गुकिया बारे ल्यं दुगु सीमित इलय् बिचाः यायेमाःगु खः, व्यवहार मार्फत । आशा व भिंतुना दु, नेतृत्वपंक्ति अन्तिम इलय् वयाः नं विवेक मैत्री व्यवहार क्यनी धइगु भलसा काये । वर्ष २०६७ या निगूगु महिनाया मध्य मितिया मध्यरात संविधान सभाय् दच्छि आयू थपये जुल ।

थपय् यायेन्ह्यः आः छु जुइ ? धयागु कथंया स्थिति खः । व उगु अन्यौलया उत्कर्ष स्थिति खः । थुयालिपा थपय् याःगु दच्छिं संविधान दयेकीगु आशा जनस्तरय् न्यंगु खः हानं । उगु भ्mवलय् आः ला नेतातय्गु चेत चाल कि, धयागु खः । तर संविधान दयेकेगु प्रक्रियां तिब्रता कायेमफुत । २०६७ साल बैशाखया मध्यपाखे येँय् गर्मी अप्वयाः वंगु खःसा वातावरण वाक्क दिक्क जुइ । प्राकृतिक जक मखु, राजनीतिक जक मखु, राजनीतिक वातावरणय् खासै सुधार जूगु मखं । संविधान दयेकी कि मयदेकी, संविधान दयेकेफु, सम्भव दु । थ्व व थुज्वःगु अन्यौल व अनुवाददथुइ खँ २०६७ फुत । अप्वःस्यां संविधान दयेकेगु सन्दर्भ नं कयेच्यात, थःगु शुभकामना सन्देशय् । तर व शुभकामनां ज्या मयात । शुभकामना केवल शब्द हिलाबुलाया सीमा स्वयाः न्यंकेमफुत । दँ २०६७ या अन्त्य व २०६८ या शुरु हानं वहे मोडय् थ्यन झीपिं, गन संविधान दयेकीगु आशा म्हो व मदयेकीगु विश्वास अप्वः दुगु खः ।
उगु वर्षत प्रति दया लगय् जुइ । छाय्धाःसा, लिपांगु दँय् गुगु जुइमाःगु व मजू । अथेहे सितिं वनाच्वंगु थें जुयाच्वंगु दँत । उकिं न्हूदँय् न्हूगु उत्साह ताःपाःगु विषय जूवन । अस्पष्टता, निर्णय हिनता संविधान दयेकेगु प्रति उदासिनता, सत्ताप्रतिया तिब्र मोह व क्रियाशीलता अले थ्व व थुज्वःगु दैनिकी दथुइ देशं ई छ्यानाः वनेबलय् सामान्य नागरिकय् राजनीतिप्रति घृणा विस्तार जुइ । थुया लिपा विशेष उत्साहलय् साम्यविन्दु न्हूगु दँया प्रतिक्षा नापं स्वतः तनीगु जुइ । विगतया लिपांगु न्हूगु दँय् उज्वःगु हे अभ्यास बिल, शान्ति व संविधानया सन्दर्भय् ।

वंगु न्हूगु दँ थुखेया थ्वहे स्तम्भय् च्वयागु खः – माफ यानादिसँ, थ्व दँ भिंतुनाया शब्दत आः तक्कया स्थितिइ शब्द जक जुइ । अन भावना व विश्वास दैमखु । राजनीतिक व्यवहारं झी विश्वासय् किलं नयेवं न्हूगु दँ उत्साहत पिहांवइगु खः । छु आः झीके उत्साह दनिला ? लिसः थःथःम्हं अनुभूतिइ वइगु जुइ छिं । उकिं थ्व दँ भिंतुना कालबिल यायेगु छुं नं जाँगर मदु । तर थ्व दँ स्थिति उज्वःगु मदु । तर थ्व दँ स्थिति उज्वःगु मदु । शान्ति प्रक्रियाय् न्हूगु मोडया दनेपूmगु दु । व अनं संविधान वयेत्यंगु सुखद् सम्भावना खनेदु । व दँ व थ्व दँया दकले पाःगु थ्व खः । संविधानया म्हगस सहितया लिपांगु दँय् खनेदुगु नागरिक चिउताः छख्य दु मेख्य संविधान दयेकेगु आधिकारिक व ‘सार्वभौम’ थाय् संविधान सभा छु खँय् चिन्तित दु ? संविधान दयेकेगु पाखे कि मदयेकेगु पाखे ? उगु अवधिइ शान्ति प्रक्रिया व संविधान दयेकेगु ध्यान म्हो हे जक वन । व्यवहार न्ह्यात्थें थजु तर शान्ति व संविधानया मन्त्री धाःसा जुयांच्वन । उकिं वंगु दँ व व स्वयाः न्ह्यः शान्ति व संविधान दयेकेगु भिंतुना अथें सितिं वन ।

तर थ्व पटक अथे मजुइगु आशा जुइगु थःथःम्हं बांलाःगु खँ खः धकाः थुइकेमाःगु आवश्यकता ब्वलंगु दु । छुं दँ न्ह्यः थ्वहे अवधिइ देश न्हूगु युगय् दुहांवंगु खः । व उकिया नितिं १९ न्हुया जनआन्दोलन जूगु खः । अबले नं झी छगू न्हूगु दँय् दुहां वनागु खः । भिंतुना शब्दय् मखु, व्यवहारय् क्वकायेमाःगु खः झी नेपाःमिं । गुज्वःगु म्हगस व विश्वास खः अबले ? अबलेया हे लुमंके बह जू थ्व भ्mवः च्वये बलय् नं गौरव ल्याकः ज्याःगु रोमाञ्चकता दनावइ । व जनताया हे खः ।
छुं दँ लिपा जनताया म्हगस व विश्वासय् तःधंकं गरखेसे च्वनी । तर आः म्हाइपूगु उगु खँयात छक्वः हानं आशाय् हिउगु दु । शान्तिया लँपु जुयाः संविधान पाखेया यात्रा जटिल ला पक्का नं दु । तर व सुखद् जुइ । थ्व पीगु ई जक मखु, सक्रियताया हे नं खः । न्हि व चा छगू यानाः ल्यं अवधिया चमत्कारिक छ्यलाबुलां जक आज्जुइ थ्यनीगु सम्भव दु ।

More Stories Like this