नेवाः पत्रकारयात प्रहरीं दाःगुया विरोध

ख्वप(झीगु स्वनिगः)

समाचार संकलनय् वंम्ह नेवाः पत्रकार राष्ट्रिय दबूया सक्रिय पत्रकार रत्नकृष्ण श्रेष्ठयात प्रहरीं दाःगु घटनायात कयाः नेवाः पत्रकार राष्ट्रिय दबुलिं विरोध याःगु दु । म्हीग सोमवाः ख्वपया पलांसे लागाय् समाचार संकलन याःवंम्ह राष्ट्रिय समाचार समितिया पत्रकार श्रेष्ठयात प्रहरीं दाःगु खः । उगु घटनायात कयाः दबूपाखें छगू प्रेस विज्ञप्ति पिथनाः दोषी प्रहरीयात कारवाही यायेत तकं माग याःगु दु । थ्व हे झ्वलय् थौं प्रहरी ज्याकुथिइ उगु घटनायात कयाः पत्रकारत वनेत्यंगु दु ।