नेपाल आर्मी क्लबयात ट्राइबेकरय् बुकूसें पुलिस क्लब सेमीफाइनलय्

नेपाल आर्मी क्लबयात ट्राइबेकरय् बुकूसें नेपाल पुलिस क्लब येँय् न्ह्यानाच्वंगु ब्रिटिस गोर्खा कप फुटबलया सेमीफाइनलय् थ्यंगु दु ।

थौं त्रिपुरेश्वरया दशरथ रंगशालाय् जूगु कासाय् ट्राइबेकरय् आर्मीयात स्वंगूया विरुद्ध प्यंगू गोलं बुकल । क्वःछिनातःगु ग्वीगू मिनेटया ई व थप स्वीगू मिनेटया इलय् नं गोलरहित बराबरी कासा म्हितेवं कासाया निर्णय ट्राइबेकरपाखें कायेमाःगु खः ।

आर्मी क्लबया विकास मल्लं थ्वाःगु बल पोष्टया दिशा काये मफूगु खःसा टॆक बुढाथोकीया बल पुलिसया गोलरक्षक रितेश थापां पनाबिउगु खः । उखे पुलिसया योगेश श्रेष्ठं थ्वाःगु बल पोष्टया पिने लाःसां नं रोविन श्रेष्ठं विजयी गोल याःगु खः ।

More Stories Like this