मां लुमंकेगु दिं मातातिर्थ औंशी (मांया ख्वाः स्वयेगु औंशी)
थौं चउलागा औशी अथेधयागु मांया ख्वाः स्वयेगु औंशी मातातीर्थ औंशी । परम्परा कथं जन्म ब्यूम्ह मांयात श्रद्धापूर्वक आदर व सत्कार याना थुगु पर्व हनाच्वंगु दु ।
थौंया दिं मांया ख्वाः स्वया मांयात श्रद्धापूर्वक ख्यें सगं बिया साःगु भिंगु मरिचरि, सिसाफल नापंया नसाज्वलं नकेगु अथेहे वसः नापंया द्वहलपा बिया मां पाखें आशिर्वाद कायेगु चलन दु । थौंया दिं मामं ब्यूगु आशिर्वादं काय्म्ह्याय् पिनिगु कल्याण जुइगु जनविश्वास दु । थौं सुथंनिसें मांया ख्वाः स्वयेगु नितिं ये“ नापं देय् न्यंकं चहलपहल खनेदु ।
मां मदुपिन्सं थौं येँया मातातीर्थ कुण्डय् म्वः ल्हुया श्राद्ध यायेगु परम्परा दु । येँ नं च्यागू किलोमिटर पश्चिमय् च्वंगु मातातीर्थ कुण्डय् थौं श्राद्ध याःवःपिनिगु भीड हे जूगु दु । मां मदुपिन्सं सुथंनिसें मांया लुमन्तिइ मातातीर्थ कुण्डय् म्वः ल्हुया द्यःया दर्शन यातधाःसा पुण्य प्राप्त जुइगु विश्वास दु ।
थौंया दिं मां पाखें तापानाच्वंपिं काय्म्ह्याय्पिन्सं थः मांया किपा फेशबुकय् तया मांयात लुमंकेगु ज्या तकं यानाच्वंगु खनेदु । इमेल इन्टरनेटया माध्यमं देशं पिने पिहा“वनाच्वंपिं व विशेष कारणं मां पाखें तापानाच्वंपिसं मां यात लुंकागु आभास बियाच्वंगु खः ।
अथेहे इहिपा याना वनाच्वंपिं म्ह्याय् मस्त थौं विशेष लिमलागु अवस्थाय् खनेदु, मांया ख्वाः स्ववनेगु नितिं । येँ नापं स्वनिगःया मरिपसः नापं फलफुल पसलय् तकं उलि हे भीड जुयाच्वंगु दु ।
News Location:
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
