आर्मी बि्रटिस गोर्खा कपया क्वाटरफाइनलय्

नेपाल आर्मी क्लब येँय् न्ह्यानाच्वंगु बि्रटिस गोर्खा कप फुटबलया क्वाटरफाइनलय् दुहांवंगु दु ।

त्रिपुरेश्वरय् च्वंगु दशरथ रंगशालाय् थौ जूगु कासाय् मध्यपुर युथ एशोसियशनयात छगू गोलं बुकूसें विभागीय क्लब आर्मी क्वाटरफाइनलय् दुहांवंगु खः । आर्मीया लागि अतिरिक्त इलय् नवयुग श्रेष्ठं निर्णायक गोल याःगु खः ।

क्वःछिनातःगु ग्वीगू मिनेटय् निखेरं छगू हे गोल मजूसे बराबरीइ कासा क्वचायेवं ई तनेमाःगु खः । थुगुसी जक ए डिभिजन लिगय् थहांवःगु मध्यपुर युथ एशोसियशनं आर्मी क्लबयात तसकं हाथ्या बिउगु खः ।

More Stories Like this