एपीएफ व मनाङ्ग ब्रिटिस गोर्खा कपया क्वाटरफाइनलय

येँय् न्ह्यानाच्वंगु ब्रिटिस गोर्खा कप फुटबलय् सशस्त्र प्रहरी बल (एपीफ) व मनाङ्ग मर्स्याङ्दी क्लब क्वाटरफाइनलय् थ्यंगु दु ।

आइतवाः जूगु कासाय् मनाङ्ग मर्स्याङ्दी क्लबं सरस्वति क्लबयात निगू गोलं बुकल । कासाया प्यंगूगु मिनेटय् हे सुलभ मास्केया गोलं न्ह्यःने लाःगु मनाङ्गया लागि अनिल गुरुङ्गं मेगू गोल याःगु खः ।

अथेहे आइतवाः हे जूगु मेगू कासाय् एपीएफं महिन्द्रा बाँसवारी क्लबयात छगूया बिरुद्ध न्यागू गोलं बुकेत ताःलात । कासाया च्यागूगु मिनेटय् सन्तोष श्रेष्ठं याःगु गोलपाखें न्ह्यःने लाःगु एपीफया लागि स्वीन्यागू मिनेटय् अर्जुन सुब्बां न्हयेगू मिनेटय् गणेश लावतीं व चय्गू मिनेटय् रन्जन विष्टं गोल यानाः गोलया ल्याः प्यंगू थ्यंकूगु खः । चय्खुगू मिनेटय् बाँसबारीया लागि पुकार श्रेष्ठं गोल यानाः गोल अन्तर म्हो यायेत कुतः याःगु खःसां अतिरिक्त इलय् मिलन राईं एपीएफया लागि गोल यानाः तःधंगु अन्तरं कासा त्याकेत ताःलाःगु खः ।

More Stories Like this