नेवाः पुचः नारायणधाटया झिक्वःगु मुँज्या

नेवाः पुचः नारायणधाटया झिक्वःगु मुँज्या वंगु चौलागाः तृतीय कुन्हु क्वचाल । पुचःया नायः चिजकुमार श्रेष्ठया नायःसुई न्ह्याःगु उगु मुँज्याय् नेवाः देय् दबूया नायः नरेश ताम्राकार मूपाहाँ कथं झायादिगु खः । नापं न्वकू धर्मशोभा तुलाधर, न्वकू विजयप्रकाश तण्डुकार, केन्द्रीय दुजःपिं जितेन्द्रविलास बज्राचार्य व सुदर्शना दर्शनधारीया नं ब्वति दूगु खः ।

ज्याझ्वयात सम्बोधन याःगु झ्वलय् मूपाहाँ नरेश ताम्राकार‌ं थीथी आदिवासी जनजातितय्सं इलय् हे संविधान पितबिकेगुया निंतिं जनदवाब व आन्दोलनया ज्या न्ह्याकाच्वंगु धयादिसें संघियताया आधार पहिचान व सामर्थ्य जुइमाःगु खँय् बः बियादिल ।

थीथी राजनैतिक दलया सभासदपिं नाप नेवाः स्वायत्त राज्यया विषययात कयाः सहलह जुचाच्वगु खँ न्ह्यथनादिसें वय्कलं नेवाः देय् दुबूपाखें नेवाः विद्यार्थी दबू, नेवाः ल्याय्म्ह दबू, नेवाः कलाःकमि दबू, नेवाःपत्रकार दबू लगायत संस्था नीस्वनाः इपिं नापं सहकार्य यानाः ज्या न्ह्याकाः वयाच्वंगु खँ कनादिल ।

More Stories Like this