'हाम्रो नेपाल' फोटो धेंधेंबल्ला त्याकूपिं पुरस्किृत
न्हूपिं, पुलांपिं व प्रोफेस्नल फोटोग्राफर न्ह्याम्हेसिनं ब्वति कायेदुगु 'हाम्रो नेपाल' फोटो धेंधेंबल्लाय् उत्कृष्ट जूपिं फोटोग्राफरत पुरस्किृत जूगु दु । येँया सिद्धार्थ आर्ट ग्यालरीइ जूगु छगू ज्याझ्वःया दथुइ उत्कृष्ट जूपिंत सिरपा लःल्हाःगु खः ।
आर्टुडियो नेपालं ग्वसाःग्वःगु उगु राष्ट्रियस्तरया धेंधेंबल्लाय् देय्न्यंक व देय् पिनेया फोटोग्राफर व फाटोग्राफी पारखीतय्सं ब्वति काःगु खः । धेंधेंबल्लाय् ३०००पा स्वयां अप्व मनूतय्सं ब्वति काःगु खँ ग्वसाः खलः आर्टुडियों धाःगु दु ।
सुन्दर नेपाल, नेपाली रंगहरु, नेपाल आज व मेरो सेल फोट/कम्प्याक्ट क्यामेरावाट धकाः प्यंगू विधाय् धेंधेंबल्ला जूगु खः । धेंधेंबललया सर्वोत्कृष्ट फोटो सुशील श्रेष्ठं त्याकादीगु दु । सर्वोत्कृष्ट जुम्ह श्रेष्ठं छगू लख पीद्वः बराबरया क्यानन् इआएस सेभेन डी क्यमेरा लगायत मुक्कं छगू लख खुइन्याद्वः तकाः बराबरया सिरपा त्याकादीगु खः । नेपाःया हे इतिहासय् थुगु सिरपा आः तकया दकलय् तःधंगु धनराशी बराबरया सिरपा खः ।
प्यंगू विधा मध्ये सुन्दर नेपाल व नेपाल आज विधाय् दिपक तोलांगे, नेपाली रंगहरू रामेश्वर महर्जन व मेरो सेल फोट/कम्प्याक्ट क्यामेरावाट विधाय् दिपक श्रेष्ठ उत्कृष्ट जुयादीगु खः । विधागतपाखें उत्कृष्ट जूपिं प्यम्हेसित स्वीद्वः बराबरया विधागत अवार्ड व झिंन्हय्म्हेसित सम्माननीय अवार्ड लःल्हाःगु खः । ज्याझ्वलय् वरिष्ठ पोटोग्राफर श्रीधर मानन्धरयात सम्मान नं याःगु खः ।
धेंधेंबल्लाय् दुथ्याःगु ३०००पा फोटोतपाखें उत्कृष्ट फोटोत आर्ट फोटोग्राफर प्रदीप योञ्जन, फ्रिल्यान्स फोटाग्राफर जगदिश तिवारी, वरिष्ठ फोटोग्राफर मीनरत्न बज्राचार्य व चन्द्रशेखर कार्की, सिद्धार्थ आर्ट ग्यालरीया डाइरेक्टर संगिता थापा व कलाकार सुजन चित्रकारया निर्णायक मण्डलं ल्यःगु खः ।
धेंधेंबल्लाय् दुथ्याःगु ३०००पा स्वयां अप्व फोटोतपाखें ल्यःयातःगु ८०पा फोटोत सिद्धार्थ आर्ट ग्यालरीइ ब्वयातःगु दु । उगु ब्वज्या न्यान्हु तक न्ह्याइ ।
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
