जागरण मञ्चया अधिवेशनय् संकिपा मञ्चया कलाकार
नेवा: जागरण मञ्चया न्हापांगु अधिवेशनया दबूया ज्याझ्व: क्वचायेवं संकिपा मञ्चपाखें थीथी हुलाप्याखं सहित सांस्कृतिक ज्याझ्व: या:गु ख: । संकिपा मञ्चया सचिव सुरेन्द्र तुलाधरं न्ह्याकूगु उगु ज्याझ्वलय् नेवा: कलाकारपिसं हुलाप्याखं न्ह्यब्वयादीगु ख:सा फम्पिं व:गु बलामि प्याखं पुचलं थ:गु दुर्लभ प्याखं दबुली क्यंगु ख: ।
दबुली हुला प्याखंया आकर्षण जुयादीगु ख: लोकंह्वा:म्ह कलाकार पल्पसा डंगोल । वय्कलं हुलाप्याखं न्ह्यब्वये न्ह्य: स्वकुमितय् न्ह्य:ने ज्याझ्व: न्ह्याकामि नापं ख्यालि खँ न्ह्यब्वया: स्वकुमितय्त आकर्षण या:गु ख: । अथेहे आकर्षक प्याखं न्ह्यब्वये धुंका: नं स्वकुमितय्त उलि हे न्हीका: झायादीगु ख: । अथेहे नेपालभाषा संकिपाया नकिं रेमा महर्जनं नं छगू बांला:गु हुलाप्याखं न्ह्यब्वयादीगु ख: । हुलाप्याखं क्यनेगु झ्वलय् मचा प्याखंम्व: नस्वा: जोशीं दुर्गा प्याखं न्ह्यब्वयादीगु ख:सा भोगेन्द्र मानन्धरं कालभैरव प्याखं हुला: क्यनादीगु ख: । अथेहे रोजिना सुवाल, राजु कोजु, अन्जला नक:मि, सलोनी न्हय्म्हफुकी, सिलु मानन्धर, सुनिता महर्जन व सरिना महर्जनं नं आकर्षक हुलाप्याखं न्ह्यब्वया: अधिवेशनय् ब्वति का:झा:पिं स्वकुमिपिन्त न्ह्यैपुका ब्यूगु ख: । थुगु प्याखंया नृत्य निदर्ेशकया रुपय् भोगेन्द्र मानन्धरं ज्या यानादीगु ख:सा सांस्कृतिक कार्यक्रमया संयोजन सुरेन्द्र तुलाधरं यानादीगु ख: । नेवा: जागरण मञ्चया अधिवेशनया झ्वलय् जूगु थुगु सांस्कृतिक ज्याझ्वलं नेवा: जागरण दुने दुगु कलाकारतय् प्रतिभायात न्ह्यब्वयेगु जक मखसें थुकिं संकिपा मञ्चया ज्या नं क्यंगु ख: ।
अथेहे ज्याझ्वलय् ब्वति कायेत थीथी थासं झायादीपिं सहभागी नापं पाहाँपिन्त नं थुगु ज्याझ्वलं बांला:गु मनोरञ्जन बीत ता:ला:गु ख: । नेवा: जागरण संकिपा मञ्चं स्थापनाकालंनिसें थीथी सांस्कृतिक ज्याझ्व: यानाव:गु ख: । नेवा: संकिपा ख्य:यात स्वयाव:गु थुगु कवलं नेपालभाषा संकिपा ख्यलय् यक्व ज्या नं याये धुंकूगु दु । विजयरत्न 'असंबरे'या नेतृत्वय् दुगु संकिपा मञ्चय् सचिव सुरेन्द्र तुलाधरं सकि्रय भूमिका म्हिताच्वनादीगु दु । अथेहे राज्यस्तरं नेपालभाषा संकिपा ख्यलय् यायेमा:गु खँय् थासय् वना: स:त: वनेगु ज्या प्रमुख विजयरत्न असंबरें यानाच्वनादीगु दु । उत्तरय् टोखांनिसें दक्षिणय् बुंगतक नं संकिपा मञ्चं कलाकारत मुना: थीथी सांस्कृतिक ज्याझ्व:त न्ह्यब्वया व:गु नं ख: । थुकथं हे नेवा: जागरण्ाया अधिवेशनया झ्वलय् संकिपा मञ्च थ:पिसं सांस्कृतिक ज्याझ्व: न्ह्यब्वयेगु भाला का:गु ख: । नेवा: जागरण्ाया न्हापांगु अधिवेशनय् र्यालीनिसें कया: फुक्क धैथें ज्याझ्व: उतिकं हे ता:लाक्क न्ह्या:गु अवस्थाय् संकिपा मञ्चं न्ह्यब्व:गु थीथी हुलाप्याखं नं ज्याझ्व:यात उलि हे हाइट बियाब्यूगु ख: । राजमतिया म्ये जुइमा वा कालभैरवया प्याखं फुक्कं हे हुला प्याखं उतिकं हे बांला:गु अले थुकियात स्वया: स्वकुमिपिसं अतिकं न्ह्यैपुकुगु नं ख: । संकिपा मञ्च न्हूगु अधिवेशन लिपा संकिपा समिति जुइगु जूगु दु धा:सा थुकिं न्हापा संकिपा मञ्चं याइगु भाला पूवंकी । समग्रय् संकिपा मञ्चया सांस्कृतिक ज्याझ्व:यात जागरणया न्हापांगु अधिवेशनया छगू आकर्ष्ाण्ाया रुपय् नं कायेछिं ।
News Location:
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
