नेवा: जागरणया न्हापांगु अधिवेशन, बिस्कं पह:या संगठन नेवा: जागरण
नेवा: जागरण मञ्च नेवा: हकहितया नितिं प्रतिबद्ध व समर्पित छगू जनसंगठन ख: । थ्व खल:, पुच:, पाला, गुथि सिकं पा: । नेवा: खल:पुच:, संघसंस्था आदिया समस्या थ्वहे जूगु दु कि थुमिसं आम जनता वा मासय् वना: थ:गु खँ तयेगु कि्रयाप्रतिकि्रयाबीगु मया: । जनता वा मासय् वन हे धा:सां सांस्कृतिक ज्याझ्व:, सफू ब्वज्या, साहित्य सम्मेलन थुज्व:गु पहलं जक जुल । 'राजनीतिक' पह: व प्रकृतिं जनता व मासय् वनेगु ज्या मजू । थुकिया लिच्व: थ्वहे जुल कि नेवा: खल:पुच:त भाषा कार्यकर्तातय्गु सर्कल वा पुचलय् दुने जक सीमित जुल । नेवा:त सम्पन्न व सुसंस्कृत जाति जूगु हुनिं नं धुकूया गर्व तायेका: उकिया हे जक पिवा: च्वनेगु ज्या यानावयाच्वन । थ्वहे संस्कारय् लानाव:गु हुनिं पिनेया वातावरण नेवा:तय्त क्वत्यला तुं हल । आ: ला दुगु धुकू तकं बुलुहुँ कर्पिसं लाकायंकाच्वंगु अवस्था जुयाच्वंगु दु ।
थ्व खँयात तछ्याये हे मा:गु जुयाच्वंगु दु । नेवा: जागरण मञ्चया अधिवेशन नं थ्व खँय् छगू अवसर ख: । गुगु नं संगठनया अधिवेशन धइगु संगठनया आन्तरिक जीवनया सवाल ख:, धायेगु ख:सा छगू साधारण सभा ख: । दुज:त च्वना: यायेगु ज्या ख:, अले गुगुं ध्यबा दुगु संस्था जूसा भिआर्इपी छम्ह स:ता: उद्घाटन याका: डिनर हे याकूसां ज्यू । तर नेवा: जागरण मञ्चं कोथाय् दुने हे अधिवेशन सिधयेकेगु ज्या नं मया:, गुगुं हलय् गुम्हं मन्त्री स:ता: नं ज्या मया: । बरुकंछि राजनीतिक दलया हे शैलीं जागरुकता क्यन, जुझारुपन क्यन । अधिवेशनया झ्वलय् प्रचारात्मक ज्याझ्व:कथं पोष्टरिङ, झाँकीसहितया र्याली, त:जिगु उलेज्या व उलेज्या धुंका:या सांस्कृतिक ज्याझ्व: । थुकिं नेवा: जनताया दथुइ छगू त:धंगु हौसला व जोश ब्यूगु दु । थुकी मूपाहाँ प्रा. माणिकलाल श्रेष्ठ थुज्व:म्ह व्यक्तित्वं तकं गर्व महसुस यात । वय्कलं दलगत कित्ताबन्दीया प:खा: तछ्याना: २०१४ सालया चुनावय् नगरपालिकाय् त्याकादीगु खँया संस्मरण यासें नेपालभाषायात उबलय्या नगरपालिकाय् मान्यता बीकेगु नितिं तयादीगु खँ लुमंकादिल । उबलय् नं खय्\ बम्हर्ूक्ष्ोत्रीत दलगत कित्ताबन्दीइ मच्वंसे प्रस्तावया विरुद्ध पिहाँ वल धा:सा नेवा:त नं उकथं हे प्रस्तावया पक्षय् वया: प्रस्ताव पारित जूगु ख: । तर न्हापाया इलय् प्यम्ह जक दुगु ख:सा आ: नेवा: स्वायत्त राज्यया पक्षय् द्वलंद्व: नेवा: जनता दने धुंकूगु दु । आ: थत्थें हे नेवा: स्वायत्त राज्य मव:सां छन्हु न छन्हु अवश्य वइ धइगु वय्कलं खंकादिल, गर्वया महसुस यानादिल । थुकथं हे नेवा: स्वायत्त राज्य मंका: संघर्ष समितिया सचिवालय कजि मल्ल के. सुन्दरं नेवा: जागरण मञ्चया घोषणा सभा जूगु इलय् थुकिया आैचित्य मदु धाइपिन्त थुकिया जवाफ वयेधुंकूगु दु धका: नं न्ववानादिल । नेपालय् यक:तिरुपं शासन प्रशासनय् कब्जा याना: थनया स्रोत व साधनय् थ: यत्थे यानावयाच्वपिसं थुकियात मेपिन्त नं इने चाहे मजू, उकिं इपिं नेवा:तय्त, तामाङतय्त, गुरुङतय्त, लिम्बूतय्त स्वायत्तता बी चाहे मजू । थ्वहे संघीयताया सवालय् मूल मर्म ख: धका: नं न्ववानादिल । अनया प्रमुख वत्तmातसें जक मखु, नेवा: जागरण मञ्चया न्हापांगु अधिवेशनय् समावेश जुया: नेवा: जागरण मञ्च थुज्व:गु संगठनया आवश्यकता गुलित दु धइगु खँयात ब्वयाब्यूगु दु । खतुं नेवा: जागरण मञ्च थुज्व:गु संगठनया आैचित्य प्रमाणित यानाच्वनेमा:गु खँ मखु । तर थुकियात सकसिनं वा: चायेका: सकलें नेवा: जनता नेवा: जागरण मञ्चं न्ह्याकाच्वंगु अभियानय् समावेश जुइमा:गु दु । नेवा: स्वायत्त राज्यया विरुद्ध थन त:धंगु षडयन्त्र जुयाच्वंगु दु, मेखे झी नेवा:तय्त अहित जुइकथं थन आप्रवासनलिसेंया क्रम न्ह्यानांतुं च्वंगु दु । शासनप्रशासनय् गैरनेवा:तय्गु बाहुल्य उतिकं दु, व अझ अप्वयां तुं वनाच्वंगु दु । थ्व स्थितिइ नेवा:त छप्पंछधी जुइमा:गु दु । थथे जुइत नारा जक बियां मगा: सकलें नेवा: जनतां थुकियात वा: चायेकेमा:गु दु । थुकिया नितिं नेवा:तय्के जागरण वयेमा:गु दु । थ्वहे खँ उगु अधिवेशनय् नाय: सुजीव बज्राचार्यं नं धयादिल । आशा याये थुगु अधिवेशनं व:गु न्हूगु नेतृत्वं थुखे न्ह्यानावनी ।
News Location:
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
