नेपालभाषा परिषदं थीथी ज्याझ्वः याइगु

येँ (सन्ध्या टाइम्स)/नकतिनि जूगु न्हूधाःया नापनापं नेपालभाषा परिषदं आः थीथी साहित्यिक ज्याझ्वःत याना वनेगु लिसें नेवाः व गैर नेवाः साहित्यिक संस्थालिसे जानाः गोष्ठी आदि ज्याझ्वःत न्ह्याका वनेगु निर्णय नं याःगु दु। नकतिनि च्वंगु परिषद्या मुँज्यां थ्व निर्णय याःगु खः। थ्व झ्वलय् परिषदं गुञ्जन नांगु मिसा साहित्यकारपिनि संस्थालिसे जानाः ज्याझ्वः यायेगु क्वःछिउगु दु। लिसें आः परिषद्या ख्वाःपौ 'नेपाल'यात नियमित यायेगु व नेवाः भाय्या अनलाइन साहित्यिक पत्रिका पिकायेगु नं तयारी जूगु खँ परिषद्या छ्यांज्ये नवीन चित्रकारं कनादिल ।