जनबहाःद्यः जात्रा समिति

येँ (सन्ध्या टाइम्स)/जनबहाःया गुरुजु नीलकाजी शाक्यया संयोजकत्वय् सच्छि व छम्हेसिया जनबहाःद्यः जात्रा व्यवस्थापन समिति नीस्वंगु दु। थौं सुथय् जूगु छगू मुँज्यां उगु समिति नीस्वंगु खः। समितिया सल्लाहकारय् सभासद् बुद्ध साय्मि, येँया प्रमुख जिल्ला अधिकारी रत्न पाण्डे, गुठी संस्थानया कार्यालय प्रमुख जयप्रसाद रेग्मी च्वनादीगु दु। अथे हे दुजलय् सुजिब बज्राचार्य, डा. चुन्दा बज्राचार्य, विष्णु श्रेष्ठ आदिपिं च्वनादीगु दु। कंस सच्छि व छम्हेसिया बृहत् भेला यानाः जात्रा सम्बन्धि सुरक्षा, आर्थिक, विद्युत, लः, धः, लँ व मेमेगु विषययात कयाः सहलह जुइ धाःगु दु ।