नेवाः अर्गनाइजेशन अफ अमेरिका सियाटलया नेतृत्व ल्यल
नेवाः अर्गनाइजेशन अफ अमेरिका सियाटल च्याप्टरया थौं न्हापांगु ज्यासना पुचःया ल्यज्या जूगु दु । सियाटलय् जूगु नेवाःतय्गु मुनां भाजु सुभाषराम प्रजापतियात सर्वसम्मतं नायः ल्यःगु दुसा न्वकुइ सुनिल जोशी, छ्याञ्जेय् सगुन कर्माचार्य, दांभरिइ दिनेश्वर श्रेष्ठ व दुजलय् कल्पना श्रेष्ठयात ल्यःगु दु । ज्यासना पुचलय् निगू पद धाःसा लिपा मनोनयन यानाः पदपूर्ति यायेगु कथं खाली तःगु दु ।
अथेहे उगु च्याप्टरया सल्लाहकार पुचलय् अनिल श्रेष्ठ, सविन प्रधान, जितेन्द्र श्रेष्ठ, रामबहादुर श्रेष्ठ व नेपाल सियाटल सोसाइटीया पदेन अध्यक्ष सम्पूर्ण प्रजापति ल्यःगु दु ।
सियाटल एरियाय् न्हापांगु खुसिइ जूगु थुगु नेवाः मुनाय् नेपालमण्डल फाउण्डेशनया पिथना भाजु गणेशराम लाछिया चिनाखँ सफू 'छन्त लुमनेवं' नं विमोचन जूगु खः ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
