नेवाः पत्रकार दबूया दुजःतय्त देय् दबूया सम्मान

नेवाः पत्रकार राष्ट्रिय दबूया न्हापांगु राष्ट्रिय सम्मेलनं ल्यःपिं न्हूगु पदाधिकारीतय्त नेवाः देय् दबूलिं सम्मान याःगु दु । राष्ट्रिय सम्मेलन क्वचाःगु कन्हय् कुन्हु देय् दबूया सभाकक्षय् न्हूपिं पदाधिकारीतय्त सम्मान याःगु खः । न्हूगुपिं पदाधिकारीतय्त देय् दबूया नायः नरेश ताम्राकारं खाडां क्वखायेकूगु खःसा धर्मशोभा तुलाधरं खेँ सगँ बिउगु व दुजः जितेन्द्र बिलास बज्राचार्यं सिन्ह तिकाः सम्मान याःगु खः ।

न्हूपिं पदाधिकारीतय्सं थःथःगु म्हसिका बियाः न्ह्याःगु ज्याझ्वलय् देय् दबूया नायः ताम्राकारं पत्रकारतय्सं छक्वलं आपालं मनूतय् सन्देश छ्वयेफइगुलिं संघीय व्यवस्था व नेवाः राज्यया बारे सकारात्मक ढंगं भूमिका म्हितेत इनाप यानादिल ।

More Stories Like this