योगवीरया छेँजःपाखें विभागयात ग्वाहालि
येँ (सन्ध्या टाइम्स)/नेपालभाषाया प्यंगः थां मध्ये छग: कवि योगवीर सिंह कसाःया छेँजःपाखें वंगु आइतवाः नेपालभाषा केन्द्रीय विभाग, यलयात छगू लख दां ग्वाहालि लःल्हात । विभागीय प्रमुख प्रा. प्रेमशान्ति तुलाधरयात योगवीरया छय् रविवीर सिंह कसाः व कीर्ति तुलाधरपिंसं नेपालभाषा स्नातकोत्तर निगूगु दँय् शोध प्रवन्ध च्वइम्ह छम्ह ब्वँमियात छात्रवृत्ति बीगु कथं थुगु ग्वाहालि लःल्हाःगु खः । ज्याझ्वलय् कवि योगवीर सिंहया 'योगसुधा' सफूया न्हूगु संस्करण पिथनेगु व विभागयात लिपा लिपा थ्यंकं ग्वाहालि यानां तुं च्वनेगु दातापिंसं नुगःखँ नं प्वंकादीगु खः ।
