नेवाः पत्रकार दबूया ऐक्यबद्धता

येँ (सन्ध्या टाइम्स)/मेट्रो एमया पत्रकारतय्सं थःपिनि स्थायित्वया माग याना न्ह्याकाच्वंगु आन्दोलनप्रति नेवाः पत्रकार राष्ट्रिय दबुलिं ऐक्यबद्धता प्वंकूगु दु। दबूया कजि श्रीकृष्ण महर्जनं थन छगू विज्ञप्ति पिकासें उगु ऐक्यबद्धता प्वंकूगु खः। नापं श्रमजीवी पत्रकार ऐन लागू यायेत जुइगु पत्रकारतय् आन्दोलनय् नं नेवाः पत्रकार राष्ट्रिय दबुलिं सक्रिय भूमिका म्हिती धाःगु दु ।

थ्वहे झ्वलय् वइगु चैत्र ४ गते दबूया न्हापांगु सम्मेलनया निंतिं थीथी कवः दयेकूगु दु। स्वयम सेवक व प्रचार प्रसारय् उदेन न्हूसाय्मियात कजि ल्यःगु दुसा अतिथि सत्कार व स्वास्थ्य उपचार राज्यलक्ष्मी शाक्य, सांस्कृतिक सुरजवीर बज्राचार्य, आवास तथा यातायात जुनिबज्र बज्रचार्य, मञ्च व्यवस्थापन ज्ञानबहादुर महर्जन, खाद्यान्न किचःमान ज्यापु, र्‍याली व्यवस्थापन सुगतरत्न सिन्दुराकार व ज्याकू व्यवस्थापन नृपेन्द्रलाल श्रेष्ठया नेतृत्वय् कवः दयेकूगु दु ।