देय् दबूया विधान संशोधन यायेत सुनसरीपाखें सुझाव
नेवाः देय् दबूया विधान संशोधन यायेत थीथी थासं सुझाव कायेगु झ्वलय् सुनसरीइ अज्याःगु सुझाव मुंकेगु ज्या क्वचाःगु दु । नेवाः देय् दबू सुनसरी जिल्ला समिति व नेवाः पुचः इटहरीया ग्वसालय् जुगू उगु ज्याझ्वलय् सुनसरीया थीथी खल पुचः नाप सहलह मुज्या जुगू खः ।
ज्याझ्वलय् मूपाहाँ कथं झायादीम्ह नेवाः देय् दबूया नायः नेरश ताम्राकारं विधान संशोधन यायेमाःगु कारण व उकिं लाकीगु लिच्वःया बारे ध्वाथुइकादीगु खःसा उगु ज्याझ्वलय् ब्वति कयादीपिनि लिसः बिायदीगु खः ।
अथेहे विधान संशोधन समितिया कजि त्रिरत्न शाक्यं आःया ई सापेक्षित विधान माःगु व नेवाः देय् दबूयात निश्पक्ष व सबल यानायंकेमाःगु धयादिल । नेवाः देय् दबू सुनसरीया नायः सरला कायस्थं जिल्लाय् च्वनाच्वंपिं नेवाःतय्त संगठित यायेफइगु कथं विधान माःगु धयादिल ।
सुझाव बिइगु झ्वलय् सुनसरीइ च्वपिं नेवाःतय्सं जिल्लाय् च्वपिं नेवाःतय्त संगठित यायेफइगु, नेवाःतय् मंकाः दस्तावेज न्ह्यथनेफइगु, नेवाःतय् मंकाः मुद्दायात सम्बोधन यायेफइगु कथंया विधान द्येकेमाःगु सुझाव बिइगु खँ नेवाः देय् दबूया नायः ताम्राकारं नेपालमण्डल डटकमयात कनादिल ।
उगु ज्याझ्वलय् नेवाः देय् दबू सुनसरीया नायः सरला कायस्थ, नेवाः देय् दबू सुनसरीया सचिव भाजु तिर्थ मास्के, धरान नगर समितिया अनिक मास्के लयातया ब्वति दुगु खः ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
