एएफ्सी च्यालेन्ज कपया निंतिं नेपाःया राष्ट्रिय पुचः घोषणा

अखिल नेपाल फुटबल संघं थ्वये वइगु फागुन २५ गते निसें येँय् जुइत्यंगु एएफसी च्यालेन्ज कप फुटबल कासाया निंतिं नेपाःया राष्ट्रिय पुचःया घोषणा याःगु दु ।

नेपाःया मू प्रशिक्षक ग्राहम रोबर्टस्, प्रशिक्षक मेघराज केसी व उपेन्द्रमान सिंहं २१म्ह दुजः दुगु पुचःया घोषणा याःगु खः । बन्द प्रसिक्षणय् दुथ्याःपिं २५ म्ह मध्ये २१ म्हया नां घोषणा याःगु खः । छनोटया झ्वलय् राष्ट्रिय पुचलय् पर्वत पाण्डे, विजय गुरुङ्ग, नवयुग श्रेष्ठ व टेकबहादुर बुढाथोकी धाःसा दुथ्यायेमपफुत ।

थुगु एएफ्सी च्यालेन्ज कप फुटबल कासाय् नेपाःया पुचःया कप्तानी यायेगु भाला सागर थापायात बिउगु दु । अथेहे नेपाःया राष्ट्रिय पुचलय् न्हापांगु खुसी सबिन्द्र श्रेष्ठ व टंक बस्नेत दुथ्याःगु दु । नापं वइगु शुक्रवाः तकया दुने छम्ह हानं लिकाना २०म्ह दुगु पुचः द्येकीगु खँ नं एन्फां धाःगु दु । एएफसीया निंतिं दुथ्याःपिं २१म्ह कासाःमितय् नांया धलः थुकथ दु :-

गोलकिपर
किरण चेम्जोङ्ग, विकास मल्ल व रितेश थापा

डिफेन्डर
सागर थापा, सन्दीप राई, रोहित चन्द, रविन श्रेष्ठ, विराज महर्जन, सबिन्द्र श्रेष्ठ, दिपक भुसाल व जितेन्द्र कार्की

मिडफिल्ड
राजु तामाङ्ग, निराजन खड्का, भोला सिलवाल, सुजल श्रेष्ठ व टंक बस्नेत

फरवार्ड
जुमानु राई, सन्तोष साहुखल, अनिल गुरुङ्ग, गणेश लावती व भरत खवाब

More Stories Like this