नेपालभाषा साहित्य ख्यः
अनिक शाक्य
नेपालभाषा साहित्य ख्यः
म्हिगः गुलि बांलाः
सायद व सिबे अप्वः
बांलाये मफु थौंकन्हे
छाय् थथे जुल !
सायद थुइकेगु कुतः मजू थन
नेपालभाषा साहित्य ख्यः
सीमित कवितय्गु छगू पुचः
थन वं वयात, वं वयात जक म्हस्यू
वयात, छित मेपिं सुनां म्ह मस्यू
थन साहित्य श्रृजना याइपिं दु
तर साहित्य ब्वनीपिं मदु
थःगु भौतिक सम्पति खर्च यानाः
थःगु मूवंगु ई फ्यानाः
साहित्य उत्पादन याइ
तर विडम्वना,
व साहित्यया थन बजाः हे मदु
गुकिया बजाः मदु
छम्ह कविं भावनाय् दुबिनाः,
मांभाय् प्रतिया मतिनाय् तक्यनाः
उकिया हे उत्पादन यानाच्वनी
तर थ्व क्रम न्ह्याबलें न्ह्यानाच्वने फइ ला ?
छम्ह मनुखं थः दुने जन्म जूम्ह कवियात
न्ह्याबलें म्वाका तयेफइ ला ?
हरेक ख्यलय् ह्यूपाः वइ
हरेक विधा विकाश जुजुं वनी
तर झीगु भाषा साहित्य ख्यलय् जक अपवाद छाय् ?
छाय् झीगु साहित्य ख्यः अन हे तिनि ?
छाय् थन व हे समस्या ल्यंदनि ?
छम्ह शिक्षकं आखः ब्वंकाः
ल्हाः म्हुतु चुलाकेफु,
छम्ह भरियां भारि कुबिनाः
निगः प्यंगः दां मुंकेफु,
छम्ह फ्वगिं फ्वनाः
द्यांलागु प्वाः जायेकेफु,
तर विडम्वना,
नेपालभाषा साहित्य श्रृजना यानाः
छगः निगः दां मुनेगु बिचाः
झीसं म्हगसय् तकं यायेफइ मखु
नेपालभाषा साहित्य ख्यः
छगू झीगु भावना खः
थःगु भाषा प्रतिया मतिना खः
न झीसं थुकियात त्वःतेफु
न थुकियात बांलाका न्ह्यज्याका यंकेफु
सायद थ्व झीगु दक्व सिबे तःधंगु विडम्वना खः
Related Stories
जि कवि मखु मतिना जकं जूगु खः ला !! बुनाः मतिना जि थः हे ज्वी फुMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
