कन्हय् कुमार भन्तेया अन्तिम संस्कार

येँ (सन्ध्या टाइम्स)/मदुम्ह भिक्षु कुमार काश्यप महास्थविरया अन्तिम संस्कार कन्हय् न्हिनय् याइगु जूगु दु। म्हिगः न्हिनय् थनया मोडल अस्पतालय् वसपोल मदुगु खः।
आः वसपोलया पार्थिव शरीरयात अन्तिम श्रद्धांजलिया लागिं स्वयम्भुया आनन्द कुटी विहारय् तयातःगु दु। कन्हय् न्हिनय् १२ बजे वसपोलयात शवयात्रा यासें गःचाः हिकाः अन्तिम संस्कार याइगु ग्वसाः दु। आनन्द कुटीइ वसपोलप्रति अन्तिम श्रद्धांजलि प्वंकेगु पुलांपिं मन्त्रीत हिसिला यमि, प्रकाशमान सिंह आदिपिं झाःगु दु। लिसें आपालं उपासकउपासिकापिं नं अन थ्यनाच्वंगु दु। थौं २ बजे स्वंगुलिं यान कथं पुजा यायेत्यंगु दु ।