मेट्रो एफएमय् निगूगु चरणया आन्दोलन

येँ (सन्ध्या टाइम्स)/येँ मनपां न्ह्याकाच्वंगु मेट्रो एफएमया पत्रकारतय्सं थनिंनिसें निगूगु चरणया आन्दोलन याःगु दु। संघर्ष समितिं थौं छगू पत्रकार सम्मेलन यासें निगूगु चरणया आन्दोलन सुरु याःगु खः। मेट्रोया पत्रकारतय्त स्थायी याये माःगु नापं पिनें मनू हये दइ मखु धासें पत्रकारतय्सं थौं व कन्हय् हाकुगु कापः ल्हातय् चिनाः ज्या यायेगु, कंस मनपाय् व्यंग्य सतक नाटक क्यनेगु, १८ गते आन्दोलनया किपा नापं पत्रिकाय् पिहां वःगु समाचार प्रदर्शन, १९ गते मनपाय् विरोध सभा व २२ गते मनपाया ज्याकू बागदरवारय् जुलुस नापं १ घण्टा धर्ना व विरोध प्रदर्शन याइगु ग्वसाः दु ।