मेट्रो एफएमय् संघर्ष

येँ (सन्ध्या टाइम्स)/येँ मनपाया मेट्रो एफएमया संचारकःमितय्त स्थायी यायेमाःगु नापं न्हूपिं कर्मचारी काये दइ मखु धइगु माग यासें एफएमया पत्रकारत आन्दोलनय् कुहां वःगु खः। नेपाल पत्रकार महासंघ मेट्रो एफएम प्रतिष्ठानं राजु लामाया संयोजकत्वय् छगू संघर्ष समिति नं स्वंगु दु। समितिइ बैकुण्ठ भण्डारी, चन्द्रमणी भट्टराई, विक्रम शाक्य, युवराज विद्रोही, श्रीकृष्ण महर्जन व गजेन्द्र ओझा दुथ्याः। समितिं थौं मेट्रो एफएम ज्याकुथी हाकुगु ध्वाँय् ब्वयेकूगु दुसा कन्हय् मनपा कार्यकारी अधिकृतया ज्याकुथी १ घण्टा धर्ना बीत्यंगु दु ।