इयुजिनया एसिएन फेस्टिभलय् "छि भाजु झाइ ला धकाः ..."
सं रा अमेरिकाया ओरेगन राज्यया इयुजिन शहरय् जूगु नीन्हय्क्वःगु एसिएन फेस्टिभलय् नेपाःया प्याखं व हस्तकला प्रदर्शन जूगु दु । करिव स्वीगू देय्या प्रस्तुति दुगु उगु फेस्टिभल वंगु संचवाः व आइतवाः जूगु खः ।
ज्याझ्वलय् ओरेगनया पोर्टल्याण्डपाखें केशरी महर्जन व सगेन महर्जनपाखें "छि भाजु धाइ ला धकाः" बोलया म्ये व "आज बाह्र हाते पटुकी.." बोलया म्येय् हुलाप्याखं न्ह्यब्वःगु खःसा मय्जु अस्मिता गुरुङं "बासनाले बस्न..." बोलया म्येय् प्याख न्ह्यब्वःगु खः । नेपापाखेया उगु सांस्कृतिक ज्याझ्वः नेपालभाषा स्यनामि दया शाक्यं न्ह्याकादीगु खः ।
नेपाः लगायत हस्तकलाया स्वसःगू स्टल दुगु उगु ज्याझ्वलय् निन्हु यानाः नीद्वः मनूतय्सं स्वःगु खः । लुमंके बहःजू ओरेगनया इयुजिन शहर येँया भगिनी शहर खः ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
