सरोद लाइभ इन कन्सर्ट
- अनिक शाक्य
जय श्री म्युजिक सोसाइटिया ग्वसालय् शनिवाः (नें.सं. ११३२ शिल्लागा द्वादशी) कुन्हु झःझ धायेकाः मायेस्ट्रो डुयेटस् अन सरोद लाइभ इन कन्सर्ट जुल ।
येँया राष्ट्रिय नाचघर जमलय् जूगु उगु ज्याझवलय् वाध्यवाधक मोहन सुन्दर श्रेष्ठ व सुरेस राज बज्राचार्यं सरोदया धुनं अनया लकसयात तरंगीत यानाः बिउगु खः । वय्कपिंत रवीन लाल श्रेष्ठ व वय्कःया काय् बिजय लाल श्रेष्ठं तबला थानाः साथ बिउगु खः । रवीन लाल श्रेष्ठ व बिजय लाल श्रेष्ठ पिनिगु तबला बादन न्यनाः अन झाःपिं फुक्क धइथें स्वदेशी व विदेशी पाहांपिं मन्त्रमुग्ध जूगु खः ।
सरोदय् राग किर्वानि थानाः शुरु जूगु ज्याझ्वलय् सरोद लिसें थीथी ताल बाजा थाःगु खः । ज्याझ्वलय् सुन्दर उदास तुलाधरं लसकुस न्वचु बियादीगु खःसा सरोद बादक मोहन प्रसाद जोशीं ज्याझवःयात कया मूवंगु न्वचू बियादीगु खः ।
मय्जु प्रमिला मानन्धरं न्ह्याकादीगु ज्याझ्वलय् मूपाहाँ कथं झायादीम्ह संस्कृतिविद् सत्यमोहन जोशीं सुकुन्दाय् मतः च्याकाः ज्याझवःया उलेज्याः यानादीगु खः ।
थुगु ज्याझवःया निंतिं नविना श्रेष्ठं वसःया डिजाइन व नविन श्रेष्ठं ग्राफिक डिजाइन यानादीगु खः ।
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
