गबलेतक
जुनु राजभण्डारी
गबलेतक ज: छंगु दयाच्वनी, उबलेतक किच: जुनुया ल्यनाच्वनी
गबलेतक स: छंगु थ्वयाच्वनी, उबलेतक म्ये जुनुया ल्यनाच्वनी
गबलेतक सुर्द्य: थीनाच्वनी, उबलेतक चन्द्रमा त्वयाच्वनी
गबलेतक कुत: छंगु दयाच्वनी, उबलेतक न्हिलासु जुनुया थीनाच्वनी
गबलेतक सिमा स्वां ह्वयाच्वनी, उबलेतक बसन्त ब्वयाच्वनी
गबलेतक सास: छंगु दयाच्वनी, उबलेतक नस्वा जुनुया ह्वयाच्वनी
गबलेतक खुसी न्ह्यानाच्वनी, उबलेतक नील: दयाच्वनी
गबलेतक तिब: छंगु दयाच्वनी, उबलेतक पला: जुनुया न्ह्यानाच्वनी
गबलेतक फय् या धा: न्यनाच्वनी, उबलेतक संसार न्ह्यानाच्वनी
गबलेतक नां छंगु दयाच्वनी, उबलेतक म्वासु जुनुया म्वानाच्वनी
Related Stories
अय्! मतिना जगजित सिंह रिवाज (बाखं) छं बिया थकूगु थ्व इलय् छ वल.......More Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
