इङलिस प्रशिक्षक कापेलोपाखें राजीनामा

इङलिस राष्ट्रिय फुटवलया प्रशिक्षक फाबियो कापेलों राजीनामा बिउगु दु । इङलिस क्लव चेल्सीया कसाःमि जोन टोरीया विषयस् कयाः फुटबल संघ एफए व कापेले दथुइ विवाद ब्वलनेवं कापेलों राजीनामा बिइगु खः । छुं ई न्ह्यः क्विन्स पार्क रेन्जर्स क्युपिआर व चेल्सी नापं जूगु प्रिमियर लिगया कासाय् टेरीं क्युपिआरया एन्टोन फर्डिनान्डयात रंगभेदया टिप्पणी याःगु द्वपं लाःगु खः । एफएया नायः डेभिड ब्रेन्स्टीनं कापेलोया राजीनामा स्वीकृत याये धुंकगु दु । कापेलोया अनुपस्थितीइ प्रशिक्षकया जिम्मेवारी छुं ई तकया निंतिं स्टुवर्ट पियर्सयात भालाः बिइगु अनुमान एफएया अधिकारीतय्सं याःगु दु ।

More Stories Like this