आयोगया प्रतिवेदन समितिपाखें संविधानसभाय् वनेत माग
येँ (झीगु स्वनिगः)
संविधानसभा अन्तर्गत राज्य पुनःसंरचना समितिइ दुपिं सभासद्तय्सं राज्य पुनःसंरचना आयोगया प्रतिवेदन समितिपाखें संविधानसभाय् वनेमाःगु माग याःगु दु ।
समितिइ दुगु सभासद्पिनिगु छगू पुचलं बुधवाः संविधानसभाया नायः सुभाष नेम्वाङयात नापलानाः थज्याःगु माग याःगु खः । सभासद्पिनिगु मागया विषयसं नेम्वाङं दलया शीर्ष नेतातलिसे नं सहलह यायेत सुुझाव बियादीगु खः ।
विहीवाः थुगु विषयसं सभामुखयात लिखित माग पेश याइगु समितिया दुजः लिसे माओवादी नेता हितमान शाक्यं जानकारी बियादीगु खः । राज्य पुनःसंरचना समितिइ पीस्वम्ह दुजःत दुगु खः ।
