कलेजं मनोमानी रुपं कायेगु यानाच्वंगु शुल्क खारेज यायेमाःगु माग

येँ (झीगु स्वनिगः)

अखिल नेपाल राष्ट्रिय स्वतन्त्र विद्यार्थी युनियन (अनेरास्ववियुं) सिटिइभिटी अन्तर्गतया कलेजतय्सं मनोमानी रुपं काःगु शुल्क याकनं खारेज यानाः आधारलिसेया वैज्ञानिक शुल्क लागू यायेत माग याःगु दु । युनियनं बुधवाः छगू पत्रकार सम्मेलनया ग्वसाः ग्वयाः व्यवस्थापिका संसद् मिसा, बालबालिका व समाजकल्याण समितिं लःल्हाःगु नर्सिङ लिसे सामान्य चिकित्सा विषयक ज्याभ्mवः न्ह्याकीगु कलेज÷संस्थात चायेकेगु मापदण्ड सम्बन्धी अध्ययन अनुगमन प्रतिवेदन २०६८ याकनं लागू यायेमाःगु माग याःगु दु ।

पत्रकार सम्मेलनय् (अनुरास्ववियु) या नायः माधव ढुङ्गेलं नियम कथं नर्सिङ कलेजय् थःगु हे न्यय्गू शैय्या दुगु अस्पताल दयेमाःगुलिइ आपालं कलेजया अस्पताल मदुगु, अस्पताल दुगु कलेजया हकय् बिरामी मजुइगु यानाच्वंगु, सरकारी अस्पताल वा मेडिकल कलेजय् मापदण्ड अःखः निगू स्वयाः आपालं कलेजतय्सं प्राक्टिकल याकाः च्वंगुलिं अज्याःगु कलेजदथुइ कारबाही यायेमाःगुलिइ बह ब्यूगु दु । वय्कलं हरेक मागया सन्दर्भय् विद्यार्थीलिसेया प्रभावकारी उच्चस्तरीय अनुगमन पुचः दयेकाः कार्यान्वयन तहसं थ्यनेत अनेरास्ववियु, मन्त्री परिषद् व सिटिइभिटीया आन्तरिक सहमति जूगु तर उगु सहमति कार्यान्वयन धाःसा जुइमपूmगु जानकारी बियादीगु खः ।