देय् दबू येँ कमिटीया निक्वःगु दँमुँज्या
नेवाः देय् दबू येँ जिल्ला कमिटीया निक्वःगु दँमुँज्या हन । मूपाहां पर्यटन तथा नागरिक उड्यन राज्यमन्त्री दिलीप महर्जनं ज्याझ्वःया उलेज्या यानादीगु खः ।
ज्याझ्वलं नेवाः भासं टेलिभिजनया माध्यमं थीथी ज्याझ्वः न्ह्याकाः नेवाः समाज व नेवाः भाय्यात थकायेगुली तःधंगु योगदान बियाच्वंगु इमेज च्यानलया 'समय्बजि' पुचःयात नं हंगु खः । लिसें ज्याझ्वलय् धिमे व बाँसुरीया झिंप्यम्ह प्रशिक्षार्थी, धिमे गुरु न्हुच्छेराम मुनिकार व बाँसुरी गुरु सरोज महर्जनपिंत नं हंगु खः ।
सभासद् डा. मंगलसिद्धि मानन्धर, दबूया संरक्षक लक्ष्मण राजवंशी, सभासद् तिर्थराम डंगोल, बाजं स्यनामि गुथिया नायः विपेन्द्र महर्जन लगायत उपस्थिति जुयादीगु उगु ज्याझ्वलय् ग्वसाः खलःया लिउ छ्याञ्जे नविन मानन्धरं लसकुस यानादीगु खः ।
देय् दबू येँ कमिटीया नायः न्हुच्छेकाजी महर्जनया सभापतित्वय् न्ह्याःगु उगु ज्याझ्वलय् स्कूलय् बीगु चिकुला बिदाया सदुपयोग जुइकथं लछियंक धिमे व बाँसुरी प्रशिक्षण बिउगु खँ नं कंगु खः ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
