सिद्धिपुर महोत्सव ग्वसाः ग्वइगु
यल (झीगु स्वनिगः)
यल जिल्लाया सिद्धिपुर गाविसयात छगू ऐतिहासिक, धार्मिक व पर्यटकीय स्थलया रुपय् म्हसीका बिइगु नितिं वइगु फागुन ६ गतेनिसें सिद्धिपुर महोत्सव ग्वसाः ग्वयेत्यंगु दु । मल्लकालीन इलंनिसें दुगु नेवाः कला, संस्कृति व सभ्यतां ओतप्रोत जूगु सिद्धिपुर गांया सिद्धेश्वर महादेव, भीमसेन टोल बौद्ध बिहार, शान्ति पोखरी पदयात्रा मार्ग पर्यटकया नितिं आकर्षणया केन्द्र विन्दुकथं कयातःगु दु ।
स्थानीय गाविस व संघ संस्थाया कुतलय् न्हापांगु खुसिइ ग्वसाः ग्वयेत्यंगु स्वन्हुया महोत्सवय् खड्क जात्रा, भीमसेन रथारोहण, चित्रकला प्रदर्शनीया लिसलिसे कृषिजन्य उत्पादन, सुकुल, टाइचिनया बजि लगायत नेवाः नसाया विक्री लिसे प्रदर्शनी याइगु महोत्सव आयोजक समितिया उप संयोजक विनोद महर्जनं जानकारी ब्यूगु खः । उगु महोत्सवय् करिब छगू लख पर्यटकतय्सं अवलोकन याइगु ग्वसाः खलकं विश्वास प्वंकूगु खः ।
