हानं बर्डफ्लुया आशंका

सुनसरीया इटहरी व खनारय् खुद्वःलं मयाक खात आपुलुखं सीवं बर्डºलुया आशंका याःगु दु । उगु थासय् पुश स्वास्थ्य प्राविधिक पुचः वनाः थप अध्ययन अनुसन्धान यानाच्वंगु दु । सीगुया कारण वर्डºलुया कारणं खः वा मखु धयागु खँ पुष्टी मजूनिसां सीपि खात विराटनगरया प्रयोगशालय् छ्वःगु दु । सुनसरीया खनालय् च्वंगु पाथीभरा पोल्ट्री फर्म व इटहरीइ च्वंगु पीके पोल्ट्री फर्मय् निवाः न्ह्यः लहिनातःपिं खाचात भगाभग सीगु खः ।

फर्म सञ्चालकतय्सं वर्ड ºलुया शंका याःगु दुसा प्राधिक पुचलं थप अध्ययन यानाः जक खः मखु धायेफैगु धाःगु दु । फर्म सञ्चालकतय्सं बर्डºलुया शंका यानाः नमुना कथं प्रयोगशालाय् छ्वःसां उकिया रिपोर्ट थौं तक्क थःपिनिगु ल्हातय् मलागु खँय् चिउताः प्वंकूगु दु । थुलिमसि न्हिलिपा नं रिपोर्ट मव्यूगुलिं सञ्चालकतय्सं थप नोक्सानी फयेमालीगु खनेदु । मिखाफुसि हाकुइगु, मिखां न्हि पिहांवइगु व तोलय् जुया च्वनीगुलि बर्डºलु जूगुहे खः धकाः शकां याःसा खः वा मखु धयागु खँ सी मदुनि । खँ स्पष्ट जूसा ल्यं पोल्ट्री फर्मय् ल्यंदनिपिन्त स्यायेगु वा स्थानान्तर यायेगु धयागु खँ सीमदुनि । पाथीभराय् दुगु ३८०० खा सीधुंकूगु दुसा २२०० खा अज्जनं ल्यं दनि धाःगु दु । उगु फर्मय् खें थ्वइगु जातया लपर्स खा लहिनातःगु खः । सीपि खात नापसं गाः खनाः थुनेगु ज्या याःगु दुसा खा स्वइम्ह स्थानिय जम्मिता राई विरामी जूगु दु ।
बर्ड ºलुया शंका यानाः उगु क्षेत्रय् हाइ अलर्ट स्थितिइ तयातःगु धाःसा सरकारी प्राविधिक पुचः धाःसा निस्कृय धाःसां ज्यू । अनया स्थानिय मनूतय्गु स्वास्थ्य परिक्षण यायेगु ज्या जूगु मदु विराटनगर स्थित केन्द्रीय पशु रोम अन्र्वषण प्रयोगशालां पोजिटिभ रिपोर्ट तयेवं थप अध्ययनया निति येँय् छ्वयाःहःगु खः । तर थनं नं रिपोर्ट बांलाक मवयेवं वेलायतय् छ्वःगु खः । उगु रिपोर्ट गवले वइगु खः धाये मफु ।

तर पशु स्वास्थ्य निर्देशनालय पाखें वंगु पुचलं बर्डºलु स्वायः मेमेगुहे ल्वचं खा सीगु जुइफु धकाः धाःगु दु । यदि अथ्य खःसा थ्व ल्वय् न्ह्याग्गुहे जूसां मनूतय्गु नितिं उलि ग्यानापूगु ल्वय् मखु । मेमेगु पशु ल्वचं मनूतय्त थीमखु । अथ्यहे वर्डºलुया थासय् मेमेगु ल्वय् गथ्यकि रानीखेत ल्वय् जुल धाःसा खातय्गु दिशा वाउँसे च्वनीगु छ्यों चाःहीलीगु वआचकलिं (प्यारालासिक) दइ । सीपिं खातय्गु लक्ष्यण स्वयेवलय् बर्डºलु मखु । खातय्त अप्वः लगय् जुइगु ल्वय्त खयेफु । थुकिं खात वाहेक मेपिन्त उलि सरे जुइमखु । सुरुइ निम्ह प्यम्ह जक सीगुली आः न्हिं १७५ स्वयाः अप्वः खाचात सिनाच्वंगु खः ।

संकास्पष्ट थासय् हाइअलर्ट यानाः निरिक्षणय् तया अध्ययन न्ह्याके माःगु खः । तर येँय् याःगु प्रारम्भिक अध्ययनं उज्वःगु छुंहे खँयात पुष्टी जुइगु ज्या मजूगुलिं खा व्यवसायित मर्काय् लाःगु खः । वेलायतय् छ्वःगुया नं रिपोर्ट याकनं कायेत सरकारी स्तरं पहल याःगु मदुनि । उखें गवले छ्वया हइ अवले जक वर्डºलु खः मखु धकाः सीके फइगु धाःगु दु ।
खाय् लगानी याःपिं व्यवसायीतय्सं छम्ह खाय् लेयर्सय् न्यासः व पिकेमा लेयर्सय् प्यारेन्टय् १६०० प्रति खाय् लगानी याःगु दु । थ्व लगानी दुवय् जुइगु जक मखुला धकाः चिउताःया विषय जुयाच्वंगु दु । उखुन्हु तिनि मनोहरया सुकुम्वासी वस्तिइ बर्ड ºलुया ल्वचं कयाः द्वलंद्वः खा स्यायेमाःगु खः । अन नं हाइअर्लटय् तयाः अनुसन्धान न्ह्याकेगु धाःसा हात्ति आयो फुस्स जूथें इतहरीइनं अथ्य जक जुइगु मखुला धकाः न्ह्यसः थनाच्वंगु दु । गम्भीर परिस्थिति मवःतले न्ह्यल मचाइम्ह सरकारं थुगसी धाःसा उलि सकृयता क्यंगु मदु । थुकिं थप आशंका व गम्भीर परिस्थिति श्रृजना मजुइला धयागु खँ स्थानिय जनताया न्ह्यः चब्वूगु दु ।

More Stories Like this